കോട്ടയം: മലയാളത്തിലെ ജനപ്രിയ വാരിക മംഗളം പ്രസിദ്ധീകരണം നിര്ത്തുന്നു. സാമ്ബത്തിക പ്രതിസന്ധി മൂലമാണ് വാരികയുടെ പ്രസിദ്ധീകരണം നിര്ത്തുന്നത്. മംഗളത്തിന്റെ മറ്റ് പ്രസിദ്ധീകരണങ്ങളും നഷ്ടത്തിലാണ്. കൊവിഡ് പ്രതിസന്ധിയും ന്യൂസ് പ്രിന്റിന്റെ വില ഉയര്ന്നതുമാണ് വാരികയെ പ്രതിസന്ധിയിലേക്ക് നയിച്ചത്.
ഇന്ത്യയില് തന്നെ ഏറ്റവും പ്രചാരമുളള വാരികയായിരുന്നു മംഗളം. 1985 ല് 17 ലക്ഷം കോപ്പികളോടെ ഏഷ്യയില് തന്നെ ഏറ്റവും പ്രചാരമുള്ള വാരികയെന്ന റെക്കോര്ഡും മംഗളം സ്വന്തമാക്കി. ഈ റെക്കോര്ഡ് ഭേദിക്കാന് മറ്റു വാരികകള്ക്ക് കഴിഞ്ഞിട്ടില്ല.
1969-ല് എംസി വര്ഗീസ് ആണ് മംഗളം മാസിക ആരംഭിച്ചത്. മംഗളം പബ്ലിക്കേഷന്സാണ് മാസിക പ്രസിദ്ധീകരിക്കുന്നത്. 1984-ല് ഇതിന് 1.7 ദശലക്ഷം കോപ്പികള് പ്രചരിച്ചിരുന്നു. പ്രവാസികള്ക്കായി ഒരു പ്രത്യേക അന്താരാഷ്ട്ര പതിപ്പും പ്രസിദ്ധീകരിച്ചിരുന്നു. നോവലുകളും, സിനിമ വിശേഷങ്ങളും, ചലചിത്ര താരങ്ങളുടെ അഭിമുഖങ്ങളും മംഗളത്തില് പ്രസിദ്ധീകരിച്ചിരുന്നു