റാന്നി: മദ്യപിച്ച്‌ ബോധരഹിതനായി റോഡരികില്‍ വീണു കിടന്നയാള്‍ സൂര്യ താപമേറ്റു മരിച്ചു. അങ്ങാടി മേനാംതോട്ടം സ്വദേശി മേപ്പുറത്ത് സണ്ണി തോമസ് (64) ആണ് മരിച്ചത്. റാന്നി ഇട്ടിയപ്പാറ കോളേജ് റോഡിലെ ബാര്‍ ഹോട്ടലിനു സമീപമാണ് സംഭവം. രാവിലെ ഒന്‍പതു മണിയോടെയാണ് ഇയാള്‍ റോഡരികില്‍ വീഴുന്നത്.
മദ്യപിച്ച ശേഷം വീണു കിടക്കുന്നതിനാല്‍ ആരും തിരിഞ്ഞു നോക്കിയില്ല. സമയം കുറേ കഴിഞ്ഞിട്ടും എഴുന്നേറ്റു പോകാതായതോടെ സമീപത്തെ വ്യാപാരികള്‍ അഗ്നിശമന സേനയെ വിവരം അറിയിച്ചു. അതിനും ഒരു മണിക്കൂറിന് ശേഷം പൊലീസ് സ്ഥലത്തെത്തിയെങ്കിലും സണ്ണി മരിച്ചിരുന്നു. ചൂടു കനത്തോടെ ശരീരത്തിലെ ജലാംശം നഷ്ടപ്പെട്ടു മരിച്ചതാകാമെന്നാണ് നിഗമനം. മൃതദേഹം പോസ്റ്റുമോര്‍ട്ടത്തിനായി റാന്നിയിലെ സ്വകാര്യ ആശുപത്രി മോര്‍ച്ചറിയിലേയ്ക്ക് മാറ്റി.
കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക.
Whatsapp Group | Google News |Telegram Group
ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
