ബിഹാർ വിഷമദ്യ ദുരന്തം: മരിണ സംഖ്യ ഉയരുന്നു; സമഗ്ര അന്വേഷണം നടത്തുമെന്ന് മന്ത്രി

ഗോപാല്‍ഗഞ്ച്: ബിഹാറില്‍ വിഷമദ്യം കഴിച്ച്‌ മരിച്ചവരുടെ എണ്ണം 29 ആയി. ചികിത്സയിലുള്ളവരുടെ നില ഗുരുതരമായി തുടരും​. ഗോപാല്‍ഗഞ്ചില്‍ 17ഉം വെസ്റ്റ് ചമ്പാരന്‍ ജില്ലയിലെ ബേട്ടിയ മേഖലയില്‍ 12ഉം പേരാണ്​ മരിച്ചത്​. ചൊവ്വാഴ്ച വൈകീട്ട്​ മദ്യം കഴിച്ച ഇവരുടെ ആരോഗ്യനില രാത്രിയോടെ വഷളാവുകയായിരുന്നുവെന്ന്​ മരിച്ചവരുടെ ബന്ധുക്കള്‍ പറഞ്ഞു.

സംഭവത്തില്‍ സമഗ്ര അന്വേഷണം നടത്തുമെന്നും കുറ്റക്കാരെ വെറുതെ വിടില്ലെന്നും ബിഹാര്‍ മന്ത്രി ഷാനവാസ് ഹുസൈന്‍ പറഞ്ഞു. പശ്ചിമ ചമ്പാരന്‍ ജില്ലയില്‍ കഴിഞ്ഞ നാല് മാസത്തിനിടെ റിപ്പോര്‍ട്ട് ചെയ്യുന്ന രണ്ടാമത്തെ വിഷമദ്യ ദുരന്തമാണിത്.