തൃശൂര്‍ : ചേലക്കരയിലെ ട്രാവല്‍സ് ഉടമയെ വിസ തട്ടിപ്പ് കേസില്‍ പോലീസ് അറസ്റ്റു ചെയ്തു.വിസ വാഗ്ദാനം ചെയ്ത് കോടികള്‍ ആണ് ഇയാള്‍ തട്ടിയെടുത്തത്. ഈ കേസില്‍ സിഐ ഇ. ബാലകൃഷ്ണന്‍റെ നേതൃത്വത്തിലുള്ള പോലീസ് അറസ്റ്റു ചെയ്തത് മലപ്പുറം തിരൂരങ്ങാടി മന്പുറം തോട്ടിങ്ങല്‍ മുഹമ്മദിനെ(കുഞ്ഞുട്ടി- 56) ആണ് .
ചേലക്കരയില്‍ ട്രാവല്‍സും ബേക്കറിയും നടത്തുന്ന ഇയാള്‍ വിവിധ ജില്ലകളിലെ നാനൂറോളം പേരില്‍നിന്നായി ഖത്തര്‍, കുവൈറ്റ് എന്നിവിടങ്ങളിലേക്കു വിസ വാഗ്ദാനം ചെയ്ത് കോടികളാണ് തട്ടിയെടുത്തത്. ഇയാള്‍ വിസ വാഗ്ദാനം ചെയ്തത് ഇരുപതിനായിരം മുതല്‍ എണ്‍പതിനായിരംവരെ ഈടാക്കിയാണ് . തുടര്‍ന്ന് ചേലക്കര പോലീസ് സ്റ്റേഷനില്‍തന്നെ 36 പരാതികളെത്തിയിരുന്നു. സംഭവത്തെ തുടര്‍ന്ന് വിവിധ ലോഡ്ജുകളിലായി ഒളിവില്‍ കഴിഞ്ഞിരുന്ന ഇയാളെ പോലീസ് സംഘം പിടികൂടിയത് ഷൊര്‍ണൂരില്‍ നിന്നാണ്.
