കൊച്ചി: പുരാവസ്തു തട്ടിപ്പില് അറസ്റ്റിലായ മോന്സണ് മാവുങ്കലിനെതിരേ പോക്സോ കേസും.തുടര്വിദ്യാഭ്യാസം വാഗ്ദാനം ചെയ്ത് പ്രായപൂര്ത്തിയാകാത്ത പെണ്കുട്ടിയെ രണ്ടു തവണ പീഡനത്തിരയാക്കിയതായാണ് ആരോപണം.
പെണ്കുട്ടിയും അമ്മയും നല്കിയ പരാതിയില് എറണാകുളം നോര്ത്ത് പോലീസാണ് കേസെടുത്തത്. പീഡനം നടന്ന സമയത്ത് പെണ്കുട്ടിക്ക് 17 വയസായിരുന്നുവെന്നും പരാതിയില് വ്യക്തമാക്കുന്നു. വൈലോപ്പിള്ളി നഗറിലെ വീട്ടില്വച്ചും മറ്റൊരിടത്തും കൊണ്ടുപോയി പീഡിപ്പിച്ചുവെന്നതാണ് കേസ്.അതേസമയം, ഇതുവരെ മോന്സനെതിരെ തട്ടിപ്പ് കേസുകള് മാത്രമാണ് രജിസ്റ്റര് ചെയ്തിരുന്നത്. എന്നാല്, ആദ്യമായാണ് പീഡനക്കേസ് രജിസ്റ്റര് ചെയ്യുന്നത്. പീഡനക്കേസില് മോന്സണിന്റെ അറസ്റ്റ് ഉടനുണ്ടായേക്കും.