എൻജിഒ യൂണിയൻ പൊതുവിദ്യാലയ ശുചീകരണം നാളെ ഉദ്ഘാടനം

കോട്ടയം: കോവിഡ് മഹാമാരിയെ തുടർന്ന് അടച്ചിട്ട വിദ്യാലയങ്ങൾ തുറക്കുന്നതിന് സർക്കാർ തീരുമാനിച്ചിരിക്കുന്നു. ഒന്നര വർഷത്തിനു മേലേ ആയി അടഞ്ഞു കിടക്കുന്ന വിദ്യാലയങ്ങൾ വിദ്യാർത്ഥികൾ എത്തുന്നതിനു മുമ്പ് തന്നെ ശുചിയാക്കേണ്ടത് അത്യാവശ്യമാണ്. ഈ സാഹചര്യത്തിലാണ് ജില്ലയിലെ തിരഞ്ഞെടുത്ത പൊതുവിദ്യാലയങ്ങൾ ശുചീകരിക്കുന്നതിന് എൻജിഒ യൂണിയൻ മുന്നിട്ടിറങ്ങുന്നത്.

നാട്ടകം ഗവ. കോളേജ് ശുചീകരണത്തോടെ ജില്ലാതല പരിപാടികൾക്ക് നാളെ തുടക്കം കുറിക്കും. സിഐടിയു ദേശീയ കൗൺസിലംഗം എ വി റസ്സൽ പകൽ 12 മണിക്ക് ഉദ്ഘാടനം നിർവഹിക്കും. എൻജിഒ യൂണിയൻ ജില്ലാ പ്രസിഡന്റ് കെ ആർ അനിൽകുമാർ അധ്യക്ഷത വഹിക്കുന്ന യോഗത്തിൽ സംസ്ഥാന സെക്രട്ടറിയേറ്റംഗം സീമ എസ് നായർ ആശംസകൾ അർപ്പിക്കും.