കല്‍പറ്റ: മുട്ടില്‍ സൗത്ത് വില്ലേജിലെ റവന്യൂ ഭൂമിയില്‍നിന്ന് ഈട്ടിത്തടികള്‍ മുറിച്ചു കടത്തിയ സംഭവത്തില്‍ വനം വകുപ്പ് ഉദ്യോഗസ്ഥന് സസ്പെന്ഷന്. മുട്ടില്‍ സെക്ഷന്‍ ഫോറസ്റ്റ് ഓഫിസറായിരുന്ന ബി.പി. രാജുവിനെയാണ് ഉത്തരമേഖല ചീഫ് ഫോറസ്റ്റ് കണ്‍സര്‍വേറ്റര്‍ ഡി.കെ. വിനോദ്കുമാര്‍ അന്വേഷണ വിധേയമായി സസ്പെന്ഡ് ചെയ്തത്.
മരംമുറി വിവാദമായതോടെ രാജുവിനെ കല്‍പറ്റ സോഷ്യല്‍ ഫോറസ്ട്രിയിലേക്ക് സ്ഥലംമാറ്റിയിരുന്നു. കേസിലെ മുഖ്യപ്രതികളായ അഗസ്റ്റിന്‍ സഹോദരങ്ങളുമായി അടുത്ത ബന്ധം പുലര്‍ത്തുകയും ഈട്ടി മുറിക്കാനും കടത്താനും കൂട്ടുനിന്നെന്നും കണ്ടെത്തിയതിെന്‍റ അടിസ്ഥാനത്തിലാണ് നടപടി.
ഈട്ടിത്തടികള്‍ കടത്തിക്കൊണ്ടുപോകുന്നതിനായി ലഭിച്ച അപേക്ഷയില്‍ വ്യക്തമായ അന്വേഷണം നടത്തി റിപ്പോര്‍ട്ട് സമര്‍പ്പിക്കാന്‍ രാജുവിന് മേപ്പാടി റേഞ്ച് ഓഫിസര്‍ നിര്‍ദേശം നല്‍കിയിരുന്നു. സര്‍ക്കാര്‍ ഉത്തരവ് പ്രകാരം മരംമുറിക്കാന്‍ അപേക്ഷകര്‍ക്ക് അനുമതിയുണ്ടെന്ന് മറുപടി നല്‍കിയ രാജു, പ്രതികള്‍ക്ക് അനുകൂലമായ നിലപാടാണ് സ്വീകരിച്ചത്.
ഫോണ്‍ വിശദാംശങ്ങള്‍ പരിശോധിച്ചതില്‍നിന്ന് മുഖ്യപ്രതികളിലൊരാളായ റോജി അഗസ്റ്റിന്‍ പലപ്പോഴായി 64 തവണയാണ് രാജുവിനെ ഫോണില്‍ വിളിച്ചത്. രാജു 71 തവണ റോജിയെയും വിളിച്ചിട്ടുണ്ട്. മറ്റൊരു പ്രതിയായ ആേന്‍റാ അഗസ്റ്റിനെ രാജു 42 തവണയും ആേന്‍റാ തിരിച്ച്‌ 34 തവണയും വിളിച്ചതായി കണ്ടെത്തി. ഇതെല്ലാം മരംമുറി നടന്ന നവംബര്‍ മുതല്‍ നിയമനടപടികള്‍ ആരംഭിച്ച മാര്‍ച്ച്‌ വരെയുള്ള മാസങ്ങളിലാണ്. വനംവകുപ്പ് പ്രതികള്‍ക്കെതിരെ മഹസ്സര്‍ തയാറാക്കിയ കാലയളവിലാണ് ഇയാള്‍ പ്രതികളുമായി ബന്ധം സ്ഥാപിച്ചതെന്നത് ഗുരുതര അച്ചടക്ക ലംഘനമാണെന്നും സസ്പെന്ഷന് ഉത്തരവില്‍ പറയുന്നു. കൂടാതെ, മരംമുറി നടന്ന പ്രദേശങ്ങളിലെത്തി രാജു പ്രതികള്‍ക്ക് ആവശ്യമായ സഹായങ്ങള്‍ ചെയ്തുകൊടുത്തു. നേരത്തെ മരം എറണാകുളത്തേക്ക് കടത്തിയ ദിവസം ലക്കിടി ചെക്ക്പോസ്റ്റില്‍ ഡ്യൂട്ടിയിലുണ്ടായിരുന്ന രണ്ടു ജീവനക്കാരെ സസ്പെന്ഡ് ചെയ്തിരുന്നു.
