കൊല്ലം ഓയൂരില് നിന്ന് ആറുവയസുകാരിയെ തട്ടിക്കൊണ്ടുപോയ സംഘം മറ്റ് കുട്ടികളെ ലക്ഷ്യമിട്ടിരുന്നതായി സൂചന. അബിഗേല് സാറയെ തട്ടിക്കൊണ്ടുപോകുന്നതിന് ഒരു മണിക്കൂര് മുന്പുള്ള ദൃശ്യങ്ങള് പുറത്തുവന്നു. റോഡരികില് ഒറ്റക്ക് നില്ക്കുകയായിരുന്ന കുട്ടിയുടെ അടുത്ത് കാര് വേഗത കുറയ്ക്കുന്നത് ദൃശ്യങ്ങളില് കാണാം.
പള്ളിക്കല് മൂതല ഭാഗത്തുനിന്നുളള ദൃശ്യങ്ങളിലാണ് ഇക്കാര്യം വ്യക്തമാകുന്നത്.കുട്ടിയെ തട്ടിക്കൊണ്ടുപോയ പ്രതികളെ കുറിച്ച് ഇപ്പോഴും പൊലീസിന് വ്യക്തമായ വിവരം ലഭിച്ചിട്ടില്ല. സംഭവത്തില് അന്വേഷണം പുരോഗമിക്കുകയാണ്. അബിഗേലിനെ തട്ടിക്കൊണ്ടുപോകുന്നതിന് ഒരൂ മണിക്കുര് മുന്പ് റോഡരികില് ഒറ്റക്ക് നില്ക്കുകയായിരുന്ന കുട്ടിയുടെ അടുത്ത് കാര് നിര്ത്തുന്നത് കാണാം. ഇത് കുട്ടിയെ തട്ടിക്കൊണ്ടുപോകാനുള്ള ശ്രമമായാണ് പൊലീസ് സംശയിക്കുന്നത്.
ഈ ദൃശ്യങ്ങള് കേന്ദ്രീകരിച്ച് പൊലീസ് അന്വേഷണം ആരംഭിച്ചു.കുട്ടിയുടെ അമ്മയും മറ്റും എത്തുന്നതോടെ കാര് അവിടെ നിന്ന് വേഗത്തില് പോകുന്നതും പിന്നീട് അഞ്ച് മിനിറ്റിനകം കാര് തിരിച്ചെത്തി അവിടെ നിര്ത്തിയിടുന്നതും ദൃശ്യങ്ങളില് കാണാം. പിന്നീട് ഓയൂര് ഭാഗത്തേക്ക് പോയ ഈ കാറിലാണ് അബിഗേലിനെ തട്ടിക്കൊണ്ടുപോയത്. കാറിന്റെ യാത്ര വളരെ ദുരൂഹമാണ്. നാല് പേരാണ് കാറിനകത്തുണ്ടായിരുന്നത്. അവര് മാസ്ക് ധരിച്ചിരുന്നതും ദൃശ്യങ്ങളില് വ്യക്തമാണ്. വാഹനത്തില് ഉള്ള സ്ത്രീയെ കുടാതെ മറ്റ് രണ്ട് സ്ത്രീകള് കൂടി സംഘത്തിലുള്ളതായാണ് പുറത്തുവരുന്നത്.
