ഇക്കാലത്തെ സിറ്റി ട്രാഫിക്കിലും മറ്റും ഒരു മാനുവല്‍ മോഡല്‍ ഓടിക്കുക എന്നത് ഇടത് കാല്‍ മുട്ടിന്റെ കാര്യത്തില്‍ തീരുമാനമാക്കുന്നതിന് തുല്യമാണ്. മാനുവലിനോട് ഒട്ടും താല്‍പര്യം കുറഞ്ഞിട്ടല്ല, ഇപ്പോഴത്തെ റോഡിലെ തിക്കും തിരക്കും ദൈനം ദിനം കൈകാര്യം ചെയ്യ്ത് മടുത്തിട്ടാവും ഒരു 50 ശതമാനം പേര്‍ എങ്കിലും ഇന്ന് ഓട്ടോമാറ്റിക് വാഹനങ്ങള്‍ക്ക് പിന്നാലെ പോവുന്നത്.
സൗകര്യവും കംഫര്‍ട്ടും കാരണമാണ് ഇന്ന് ഓട്ടോമാറ്റിക് ഗിയര്ബോക്സുമായി വരുന്ന മോഡലുകള്‍ക്ക് ഒരു പരിധിവരെ പ്രചാരം ഏറി വരുന്നത്. പിന്നെ മുമ്ബത്തേക്കാള്‍ പെര്‍ഫോമെൻസിന്റെയും മൈലേജിന്റെയും കാര്യത്തില്‍ ഇവ മേല്‍കൈ കൈവരിച്ചിട്ടുണ്ട് എന്നതും ശ്രദ്ധേയമാണ്. പില്‍ക്കാലങ്ങളില്‍ തീരെ കുറവ് മൈലേജ് നല്‍കിയിരുന്ന ഓട്ടോമാറ്റിക് മോഡലുകളുമായി താരതമ്യപ്പെടുത്തുമ്ബോള്‍, പുത്തൻ മോഡലുകള്‍ പുലികളാണ്. അതിനാല്‍ തന്നെ ദൈനംദിന സിറ്റി യാത്രകള്‍ക്ക് ഇന്ന് പലര്‍ക്കും ഇഷ്ടം ഓട്ടോമാറ്റിക് കാറുകളാണ് എന്ന് നിസംശയം പറയാം.
അതിനാല്‍ തന്നെ സാധാരണക്കാരനും ഇന്ന് ഒരു ഓട്ടോമാറ്റിക് പതിപ്പ് സ്വന്തമാക്കണം എന്ന് വളരെയധികം ആഗ്രഹിക്കുന്നു.അതിനാല്‍ തന്നെ ഇന്ന് പല പ്രമുഖ വാഹന നിര്‍മ്മാതാക്കളും പ്രീമിയം മോഡലുകളില്‍ നിന്ന് ഓട്ടോമാറ്റിക് ഓപ്ഷൻ താങ്ങാനാവുന്ന കാറുകളിലേക്കും എത്തിച്ചിരിക്കുകയാണ്. കുറഞ്ഞ ബജറ്റില്‍ വരുന്ന മോഡലുകളെ പരിചയപ്പെടാം.
1. മാരുതി സുസുക്കി ആള്‍ട്ടോ K10:
5.61 ലക്ഷം മുതല്‍ 5.90 ലക്ഷം രൂപ വരെ എക്സ്-ഷോറൂം വിലയ്ക്ക് എത്തുന്ന മാരുതി സുസുക്കിയുടെ ഏറ്റവും ചെറിയ മോഡലായ ആള്‍ട്ടോ ഓട്ടോമാറ്റിക് ഗിയര്‍ബോക്സുള്ള ഏറ്റവും താങ്ങാനാവുന്ന കാര്‍ കൂടിയാണ് എന്ന് നിസംശയം പറയാം. ആള്‍ട്ടോ K10 ന് അഞ്ച് സ്പീഡ് AMT ട്രാൻസ്മിഷൻ ലഭിക്കുന്നത് ടോപ്പ്-സ്പെക്ക് VXi, VXi+ വേരിയന്റുകളില്‍ മാത്രമാണ്.മാനുവല്‍ ഗിയര്ബോക്സുമായി താരതമ്യപ്പെടുത്തുമ്ബോള്‍ AMT -യ്ക്ക് അല്പം അലസത അനുഭവപ്പെടുന്നു എന്നത് വാസ്തവമാണ്, പക്ഷേ ഇത് ട്രാഫിക്കില്‍ വളരെ കംഫര്‍ട്ടബിളായും ഈസിയായും പ്രവര്‍ത്തിക്കുന്നു. സ്പെയ്സും താങ്ങാനാവുന്ന വിലയും പോലെ നിരവധി വിട്ടുവീഴ്ചകള്‍ ഉണ്ടായിരുന്നിട്ടും, വാഹനത്തിന്റെ അടിസ്ഥാന മൂല്യങ്ങള്‍ കേടുപാടില്ലാതെ അതേപടി നിലനില്‍ക്കുന്നു.
2. മാരുതി സുസുക്കി എസ് പ്രെസ്സോ:
ആള്‍ട്ടോ K10 -ന് സമാനമായി, എസ്-പ്രെസ്സോയ്ക്ക് VXi (O), VXi+ (O) എന്നീ രണ്ട് വകഭേദങ്ങളില്‍ അഞ്ച് സ്പീഡ് AMT യൂണിറ്റ് ലഭിക്കും. ഇതിലുള്ള ഓട്ടോമാറ്റിക് ഗിയര്‍ബോക്‌സ് ത്രോട്ടില്‍ ഇൻപുട്ടുകളോട് വളരെ നന്നായി പ്രതികരിക്കുന്നു.എന്നാല്‍ പെട്ടെന്നുള്ള ഓവര്‍ടേക്കുകള്‍ക്ക് ആക്സിലറേറ്റര്‍ ചവിട്ടി പിടിച്ചാലേ പറ്റൂ. ഇത് ഒരു വൻ ലുക്കുള്ള മോഡല്‍ ആയിരിക്കില്ലെങ്കിലും, താരതമ്യേന സ്പെയ്സുള്ളതും നന്നായി സജ്ജീകരിച്ചിരിക്കുന്നതുമായ ക്യാബിൻ, ഈസി ഡ്രൈവ് എന്നിവ ഇത് വാഗ്ദാനം ചെയ്യുന്നുണ്ട്. 5.77 ലക്ഷം മുതല്‍ 6.06 ലക്ഷം രൂപ വരെയാണ് ഇതിന്റെ എക്സ്-ഷോറൂം വില.
3. റെനോ ക്വിഡ്:
ടോപ്പ് സ്പെക്ക് RXT, ക്ലൈംബര്‍ ട്രിമ്മുകളില്‍ റെനോ ക്വിഡിന് AMT ഓപ്ഷൻ ലഭിക്കുന്നു. AMT -യുടെ സാധാരണമായ ‘ഹെഡ് നോഡ്’ വളരെ സൗമ്യമാണ്, ഒരിക്കല്‍ നീങ്ങി കഴിഞ്ഞാല്‍, ഷിഫ്റ്റുകള്‍ വളരെ സുഗമമാണ്. പാര്‍ട്ട്-ത്രോട്ടില്‍ ഇൻപുട്ടുകളും പ്രവചനാതീതമായ ഷിഫ്റ്റുകളും ഉപയോഗിച്ച്‌ ഡ്രൈവ് ചെയ്യുമ്ബോള്‍ ക്വിഡിന്റെ AMT മികച്ച രീതിയില്‍ പ്രവര്‍ത്തിക്കുന്നു.എന്നിരുന്നാലും, ത്രോട്ടില്‍ ഇൻപുട്ടിലെ പെട്ടെന്നുള്ള മാറ്റങ്ങളോട് ഇത് അത്ര നന്നായി പ്രതികരിക്കുന്നില്ല എന്നതാണ് സത്യം. 1.0 ലിറ്റര്‍ എഞ്ചിന്റെ പ്രകടനം സിറ്റി ഉപയോഗത്തിന് വളരെ നല്ലതാണ്, കൂടാതെ നഗരത്തിന് പുറത്തുള്ള ദീര്‍ഘദൂര ഡ്രൈവുകള്‍ക്കും സ്വീകാര്യമാണ്. 6.13 ലക്ഷം മുതല്‍ 6.33 ലക്ഷം രൂപ വരെ എക്സ്-ഷോറൂം വിലയ്ക്കാണ് മോഡല്‍ വില്‍പ്പനയ്ക്ക് എത്തുന്നത്.
4. മാരുതി സുസുക്കി സെലേറിയോ:
6.39 ലക്ഷം രൂപ മുതല്‍ 7.15 ലക്ഷം രൂപ വരെ എക്സ്-ഷോറൂം വിലയ്ക്ക് എത്തുന്ന സെലേറിയോയില്‍ VXi, ZXi, ZXi+ വേരിയന്റുകളില്‍ അഞ്ച് സ്പീഡ് AMT -യാണ് മാരുതി സുസുക്കി വാഗ്ദാനം ചെയ്യുന്നത്. ഈ AMT-യുടെ ഗിയര്‍ഷിഫ്റ്റുകള്‍, ഭൂരിഭാഗവും, സമയബന്ധിതമാണ്.കൂടാതെ ഷിഫ്റ്റുകള്‍ക്കിടയിലുള്ള ലാഗ് നന്നായി അടങ്ങിയിരിക്കുന്നു. ഗിയര്‍ ലിവര്‍ വഴി മാനുവലായി ഗിയര്‍ ചേഞ്ച് ചെയ്യാനുള്ള ഓപ്ഷനും ഇത് നല്‍കുന്നു. സെലേറിയോ ഓടിക്കാൻ വളരെ എളുപ്പവും കംഫര്‍ട്ടബിളുമാണ്, കൂടാതെ മുൻ തലമുറ മോഡലിനെപ്പോലെ, ഒരു സിറ്റി കാറിന് വളരെ മികച്ച ചോയിസായി തുടരുന്നു.
5. മാരുതി സുസുക്കി വാഗണ്‍ആര്‍:
1.0 ലിറ്റര്‍ പെട്രോള്‍, 1.2 ലിറ്റര്‍ പെട്രോള്‍ എന്നിങ്ങനെ രണ്ട് എഞ്ചിൻ ഓപ്ഷനുകള്‍ വാഗ്ദാനം ചെയ്യുന്ന ഈ ലിസ്റ്റിലെ ആദ്യത്തെ കാറാണ് വാഗണ്‍ആര്‍. 6.55 ലക്ഷം മുതല്‍ 7.31 ലക്ഷം രൂപ വരെ എക്സ്-ഷോറൂം വിലയ്ക്ക് എത്തുന്ന വാഹനത്തിന്റെ VXi, ZXi, ZXi+ വേരിയന്റുകളില്‍ ഓട്ടോമാറ്റിക് ഗിയര്‍ബോക്‌സ് കമ്ബനി വാഗ്ദാനം ചെയ്യുന്നു.അര്‍ബൻ ഉപഭോക്താക്കള്‍ ഈ AMT -യെ ഇരു കൈയ്യും നീട്ടി സ്വീകരിക്കുന്നു. അവിശ്വസനീയമാംവിധം പ്രവര്‍ത്തനക്ഷമമായ ബജറ്റ് കാറിന്റെ പഴക്കമുള്ള ഫോര്‍മുല വാഗണ്‍ആര്‍ യാതൊരു മാറ്റവും കൂടാതെ നിലനിര്‍ത്തുന്നു, അതോടൊപ്പം വിശാലതയ്ക്കും പ്രായോഗികതയ്ക്കും ഇന്നും മാരുതിയുടെ ഈ ടോള്‍ ബോയ് ഹാച്ച്‌ബാക്ക് പേരുകേട്ടതാവുന്നു.
