കൊച്ചി: വാളയാര് കേസിലെ പ്രതി ഹൈകോടതിയില് ജാമ്യ ഹരജി നല്കി.പ്രായപൂര്ത്തിയാകാത്ത പെണ്കുട്ടികള് പീഡനത്തിരയാകുകയും തുടര്ന്ന് മരിച്ച നിലയില് കണ്ടെത്തുകയും ചെയ്ത സംഭവത്തിലെ പ്രതി ‘വലിയ മധു’വെന്ന മധു ആണ് ഹൈകോടതിയില് ജാമ്യ ഹരജി നല്കി.
ഒമ്ബതും 13-ഉം വയസ്സുള്ള രണ്ട് കുട്ടികളെ തൂങ്ങിമരിച്ച നിലയില് കണ്ടെത്തിയ സംഭവത്തിലെ പ്രധാന പ്രതികളില് ഒരാളാണ് മധു. രണ്ട് കേസുകളിലും പ്രതിയാണെങ്കിലും മൂത്ത കുട്ടിയെ പീഡിപ്പിച്ച കേസിലാണ് ജാമ്യ ഹരജി നല്കിയിരിക്കുന്നത്.ഹരജി പരിഗണിച്ച ജസ്റ്റിസ് പി. ഗോപിനാഥ് അടുത്തയാഴ്ച പരിഗണിക്കാന് മാറ്റി. പലതവണ പ്രതി മൂത്ത പെണ്കുട്ടിയെ പീഡിപ്പിച്ചെന്നും പീഡനം സഹിക്കാനാവാതെ തൂങ്ങി മരിച്ചെന്നുമാണ് കേസ്.