കൊല്ലം ഉത്രാ വധക്കേസില് വിധി നാളെ. ഉത്ര മരിച്ച് ഒരു വര്ഷവും, 5 മാസവും 4 ദിവസവും തികയുമ്ബോളാണ് കൊല്ലം ജില്ലാ അഡിഷനല് സെഷന്സ് കോടതിയുടെ വിധി.ഉത്രയെ ഭര്ത്താവ് സൂരജ് മൂര്ഖന് പാമ്ബിനെ കൊണ്ട് കൊത്തിച്ച് കൊലപ്പെടുത്തിയെന്നാണ് കേസ്.കഴിഞ്ഞ വര്ഷം മെയ് ഏഴിനാണ് അഞ്ചല് ഏറത്തെ വീട്ടില് ഉത്രയെ പാമ്ബുകടിയേറ്റു മരിച്ച നിലയില് കണ്ടത്. റെക്കോര്ഡ് വേഗത്തിലാണ് കേസിന്റെ കുറ്റപത്രം സമര്പ്പിച്ചതും വിചാരണ പൂര്ത്തിയാക്കിയതും. ഉത്രയെ കടിച്ച പാമ്ബിനെ പുറത്തെടുത്ത് പോസ്റ്റുമോര്ട്ടം നടത്തിയും മൂര്ഖന് പാമ്ബിനെ ഉപയോഗിച്ചുള്ള ഡമ്മി പരിശോധന നടത്തിയും പഴുതടച്ച അന്വേഷണമാണ് കേസില് നടന്നത്.കൊല്ലം ആറാം അഡീഷനല് സെഷന്സ് കോടതി ജഡ്ജി എം. മനോജാണ് കേസില് വിധി പറയുക. വിചാരണക്കിയടില് പ്രോസിക്യൂഷന് ഭാഗത്തുനിന്ന് 87 സാക്ഷികളെയും 289 രേഖകളും 40 തൊണ്ടിമുതലുകളും ഹാജരാക്കിയിരുന്നു. പ്രതിക്ക് പരമാവധി ശിക്ഷ ലഭിക്കും എന്നാണ് പ്രതീക്ഷ എന്ന് ഉത്രയുടെ കുടുംബം പ്രതികരിച്ചു. മൂന്ന് തവണയാണ് സൂരജ് ഉത്രയെ പാമ്ബിനെ കൊണ്ട് കടിപ്പിച്ചു കൊലപ്പെടുത്താന് ശ്രമിച്ചത്. ഇതില് രണ്ട് തവണ ഉത്രക്ക് പാമ്ബിന്റെ കടിയേറ്റു.പാമ്ബു പിടുത്തക്കാരനായ കല്ലുവാതുക്കല് ചാവരുകാവ് സ്വദേശി സുരേഷില് നിന്നാണ് സൂരജ് മൂര്ഖന് പാമ്ബിനെ വാങ്ങിയത്. സാക്ഷികള് ഇല്ലാത്ത കേസില് സുരേഷ് മാപ്പു സാക്ഷിയാണ്.
ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക