കണ്ണൂര് : പയ്യന്നൂര് കോറോത്ത് ഭര്ത്താവിന്റെ വീട്ടില് ആത്മഹത്യ ചെയ്ത സുനീഷയുടെ സംഭാഷണത്തിന്റെ ശബ്ദരേഖ പുറത്ത്. സ്വന്തം
വീട്ടിലേക്ക് മടങ്ങി പോകാന് അനുവദിക്കണമെന്ന് സുനിഷ ആവശ്യപ്പെടുന്നതും ഭര്ത്താവ് വിജീഷ് അത് എതിര്ക്കുന്നതുമാണ് ശബ്ദരേഖയില് ഉള്ളത്. സുനീഷയുടെ മരണത്തില് ദുരൂഹതയുണ്ടെന്നാണ് ബന്ധുക്കളുടെ ആരോപണം.
സുനീഷയും ഭര്ത്താവ് വിജീഷും തമ്മിലുള്ള സംഭാഷണത്തിന്റെ ശബ്ദരേഖയാണ് പുറത്ത് വന്നത്. സ്വന്തം വീട്ടിലേക്ക് പോകണമെന്ന് സുനീഷ ആവശ്യപ്പെടുന്നതും ഭര്ത്താവ് അത് എതിര്ക്കുന്നതും ശബ്ദരേഖയില് വ്യക്തമാണ്.
ഭര്ത്താവ് വിജീഷില് നിന്നും ഭര്ത്താവിന്റെ മാതാപിതാക്കളില് നിന്നും യുവതി മര്ദനം നേരിട്ടു എന്ന് വ്യക്തമാകുന്ന ഫോണ് സംഭാഷണവും നേരത്തെ പുറത്ത് വന്നിരുന്നു. ഞായറാഴ്ച്ച വൈകുന്നേരം നാലരക്കാണ് വെള്ളൂര് ചേനോത്തെ വിജീഷിന്റെ ഭാര്യ സുനീഷയെ ഷാളുപയോഗിച്ച് തൂങ്ങിമരിച്ച നിലയില് കണ്ടെത്തിയത്.
യുവതിയുടെ മരണത്തില് ദുരൂഹതയുണ്ടെന്നാണ് ബന്ധുക്കളുടെ പരാതി. പൊലീസ് ദുരൂഹ മരണത്തിന് കേസ് എടുത്ത് അന്വേഷണം ആരംഭിച്ചു. ഒന്നര വര്ഷം മുന്പായിരുന്നു സുനീഷയുടെയും വിജീഷിന്റെയും പ്രണയ വിവാഹം.