കോട്ടയം: കോവിഡ് പ്രതിസന്ധി മൂലം കോട്ടയത്ത് വീണ്ടും ആത്മഹത്യ. ഏറ്റുമാനൂരിന് സമീപം പുന്നത്തുറയില്‍ ചായക്കടക്കാരന്‍ കടയ്ക്കുള്ളില്‍ തൂങ്ങി മരിച്ചു. കറ്റോഡ് ജംഗ്ഷനില്‍ ചായക്കട നടത്തിയിരുന്ന കെ.ടി.തോമസാണ് മരിച്ചത്.
ഇന്ന് പുലര്‍ച്ചെയാണ് മൃതദേഹം കടയ്ക്കുള്ളില്‍ കണ്ടത്. ഷട്ടര്‍ പൂട്ടാതെ താഴ്ത്തിയിട്ട നിലയിലായിരുന്നു. പരിസരവാസികളാണ് മൃതദേഹം ആദ്യം കണ്ടത്. തുടര്‍ന്ന് പോലീസ് സ്ഥലത്തെത്തി പരിശോധന നടത്തി. മൃതദേഹം പോസ്റ്റ്മോര്‍ട്ടത്തിനായി മെഡിക്കല്‍ കോളജ് ആശുപത്രിയിലേക്ക് മാറ്റി.കോവിഡ് പ്രതിസന്ധി മൂലം വ്യാപാരം കുറഞ്ഞതോടെ തോമസ് വലിയ വിഷമത്തിലായിരുന്നുവെന്ന് ബന്ധുക്കള്‍ പറയുന്നു. സാമ്ബത്തിക ബാധ്യതയാകാം ജീവനൊടുക്കാന്‍ കാരണമെന്നാണ് കരുതുന്നത്.
