ന്യൂഡല്ഹി;രാജ്യത്ത് കോവിഷീല്ഡ് വാക്സിനില് വ്യാജന്മാരുടെ സാന്നിധ്യം കണ്ടെത്തിയതായി ലോകാരോഗ്യ സംഘടന.
ജൂലൈ, ആഗസ്റ്റ് മാസങ്ങളിലാണ് ഇന്ത്യയിലും ആഫ്രിക്കയിലെ ഉഗാണ്ടയിലും വ്യാജ വാക്സിനുകളുടെ വ്യാപനം കണ്ടെത്തിയത്.ഇക്കാര്യം സെറം ഇന്സ്റ്റിറ്റ്യൂട്ടും റിപ്പോര്ട്ട് സ്ഥിരീകരിച്ചതായി ലോകാരോഗ്യ സംഘടന മുന്നറിയിപ്പ് നല്കി.രാജ്യത്ത് ഏറ്റവും കൂടുതല് വിതരണം ചെയ്യുന്ന വാക്സിനുകളില് മുന്നിരയിലാണ് കോവിഷീല്ഡ്.
അതേസമയം കുട്ടികള്ക്ക് കോവിഡ് വാക്സിന് സെപ്റ്റംബര് മുതല് നല്കിയേക്കും. രണ്ട് വയസ് മുതല് പതിനെട്ട് വയസുവരെയുള്ളവര്ക്കാണ് വാക്സിന് നല്കുന്നത്.നിലവില് കുട്ടികള്ക്കുള്ള കോവാക്സിന്റെ രണ്ടാമത്തെയും മൂന്നാമത്തെയും ട്രയലാണ് നടന്നുകൊണ്ടിരിക്കുന്നത്. ഇതിന്റെ ഫലം വന്നാല് ഉടനെ കുട്ടികള്ക്ക് വാക്സിന് നല്കിയേക്കും.