ടോക്യോ: വനിതാ ബോക്സിങ്ങിലെ 48-51 കിലോ വിഭാഗത്തില് ഇന്ത്യയുടെ മെഡല് പ്രതീക്ഷയായ മേരി കോം പ്രീക്വര്ട്ടറില് പുറത്ത്. കൊളംബിയന് താരം ഇന്ഗ്രിറ്റ് വലന്സിയയോടാണ് ഇന്ത്യന് താരം കീഴടങ്ങിയത്. 3-1നാണ് വലന്സിയയുടെ ജയം.
ആദ്യ റൗണ്ടില് വലന്സിയയ്ക്കായിരുന്നു ജയം. രണ്ടാം റൗണ്ടില് ഇന്ത്യന് താരം തിരിച്ചെത്തി. എന്നാല് നിര്ണായകമായ മൂന്നാം സെറ്റും ജയവും വലന്സിയ സ്വന്തമാക്കി.
റിയോ ഒളിംപിക്സിലെ വെങ്കല മെഡല് ജേത്രിയാണ് ഇന്ഗ്രിറ്റ് വലന്സിയ. ഇരുവരും തമ്മില് മൂന്നാം തവണയാണ് റിങ്ങില് ഏറ്റുമുട്ടുന്നത്. ആദ്യ രണ്ടു തവണയും ജയം മേരിക്കൊപ്പമായിരുന്നു. 2019ലെ ലോക ചാമ്ബ്യന്ഷിപ്പ് ക്വര്ട്ടര് ഫൈനലിലായിരുന്നു ഇതിനു മുമ്ബുള്ള മത്സരം.
ആറു തവണ ലോകചാമ്ബ്യനായ മേരി കോം ഇത്തവണ ഇന്ത്യയുടെ മെഡല് പ്രതീക്ഷകളില് ഒരാളായിരുന്നു. സ്വര്ണം മാത്രമാണ് തന്റെ ലക്ഷ്യമെന്ന് ടോക്യോയിലേക്ക് തിരിക്കും മുമ്ബെ താരം വ്യക്തമാക്കുകയും ചെയ്തിരുന്നു.
ഡൊമിനിക്കന് റിപ്പബ്ലിക്കിന്റെ മിഗ്വേലിന ഗാര്സിയ ഹെര്ണാണ്ടസിനെ കീഴടക്കിയാണ് മേരി കോം പ്രീ ക്വാര്ട്ടറില് പ്രവേശിച്ചിരുന്നത്. 4-1 എന്ന സ്കോറിനാണ് മേരി കോമിന്റെ വിജയം. ലണ്ടന് ഒളിംപ്കിസില് ഇന്ത്യയ്ക്കു വേണ്ടി വെങ്കലം നേടിയ താരം കൂടിയാണ് മേരി.