ന്യൂഡല്ഹി: കോവിഡ് ലോക് ഡൗണിനെ തുടര്ന്ന് ഒ.എല്.എക്സില് കഴിഞ്ഞ ഒരു വര്ഷത്തിനിടയില് ഏറ്റവും കൂടുതല് അന്വേഷണം നടത്തിയ ഉല്പ്പന്നത്തിന്റ വിവരങ്ങള് പുറത്തുവിട്ട് കമ്ബനി.ഓണ്ലൈന് ഇ എക്സ്ചേഞ്ച് സൈറ്റായ ഒ.എല്.എക്സ് സെക്കന്റ് ഹാന്റ് വാഹനങ്ങള് ഉള്പ്പടെയുള്ളവയുടെ കൊടുക്കല് വാങ്ങലുകളുടെ ഇടനിലക്കാരനാണ്. 2019 ഒക്ടോബര് മുതല് 2021 മാര്ച്ച് വരെ ഒ.എല്.എക്സില് ഉപഭോക്താക്കള് വാങ്ങാന് അന്വേഷിച്ചതും വില്പ്പനക്ക് വെച്ച സാധനങ്ങളുടെയും വിവരങ്ങളാണ് കമ്ബനി പുറത്ത് വിട്ടത്.
കോവിഡ് കാലത്ത് ഒ.എല്.എക്സില് ഏറ്റവും കൂടുതല് സേര്ച്ച് ചെയ്തത് സൈക്കിള് ആണെന്നാണ് കമ്ബനി അവകാശപ്പെടുന്നത്. വീട്ടിലിരിക്കാന് നിര്ബന്ധിക്കപ്പെട്ടതും ജിംനേഷ്യo അടച്ചതും ടര്ഫ് അടക്കമുള്ള കളിക്കളങ്ങള്ക്ക് പ്രവര്ത്തിക്കാന് നിയന്ത്രണം വന്നതുമാണ് സൈക്കിളിന് കൂടുതല് അന്വേഷകര് വന്നതിന് കാരണമായി ഒ.എല്.എക്സ് വിലയിരുത്തുന്നത്. വ്യായാമത്തിനൊപ്പം ശാരീരിക ആരോഗ്യം നിലനിര്ത്താന് സൈക്ലിംഗിലേക്ക് പലരും തിരിഞ്ഞു.
അതെ സമയം കഴിഞ്ഞ ഒരു വര്ഷത്തിനിടെ ഏകദേശം 100 ശതമാനം വര്ധനവാണ് സൈക്കിളിന് മാത്രമായി ഒ.എല്.എക്സില് വന്നതെന്ന് കമ്ബനിയുടെ റിപ്പോര്ട്ടില് പറയുന്നു. ന്യൂഡല്ഹിയും പരിസരപ്രദേശങ്ങളില് നിന്നുമാണ് സൈക്കിള് അന്വേഷിച്ച് ഏറ്റവും കൂടുതല് പേര് ഒ.എല്.എക്സില് കയറിയത്. രണ്ടാമത് മുംബൈ ആണ്. കൊല്ക്കത്ത,ഹൈദരാബാദ്, ബംഗളുരു എന്നിവയാണ് ഇക്കാര്യത്തില് പിന്നിലുള്ളത് .