തമിഴ്നാട് രാജ്ഭവനുനേരെ പെട്രോൾ ബോംബേറ്; യുവാവ് അറസ്റ്റില്‍

ചെന്നൈ: തമിഴ്നാട്ടിൽ രാജ്ഭവന് നേരെ പെട്രോൾ ബോംബേറ്. ചെന്നൈ, ഗിണ്ടിയിലെ രാജ്ഭവന്റെ പ്രധാന കവാടത്തിലാണ് ബോംബേറുണ്ടായത്. കറുക്ക വിനോദ് എന്ന യുവാവാണ് ആക്രമണം നടത്തിയത്. ബോംബെറിഞ്ഞ ഉടൻ ഇയാളെ സുരക്ഷ ഉദ്യോഗസ്ഥർ പിടികൂടി. 2022ല്‍ ബിജെപി സംസ്ഥാന കമ്മിറ്റി ഓഫീസ് ആക്രമിച്ച കേസിലെ പ്രതിയാണ് വിനോദ്.

ഈ കേസിൽ ജയിൽ മോചനം ആവശ്യപ്പെട്ട് ഗവർണർക്ക് കത്തെഴുതിയിരുന്നു. എന്നാൽ ഇതിന് ഗവർണർ അനുമതി നൽകാത്തതിനെ തുടർന്നാണ് പരോളിൽ ഇറങ്ങിയുള്ള ആക്രമണം. അറസ്റ്റിലായ യുവാവിനെ ഗിണ്ടി പൊലീസ് സ്റ്റേഷനിലെത്തിച്ച് ചോദ്യം ചെയ്യുകയാണ്.