ഹൈദരാബാദ്: രാജ്യം കടുത്ത ചൂടില് വീര്പുമുട്ടുകയാണ്, പല ഭാഗത്തും 40 ഡിഗ്രി സെല്ഷ്യസിന് മുകളിലുള്ള താപനിലയാണ് അനുഭവപ്പെടുന്നത്. ആന്ധ്രയുടെ തലസ്ഥാനമായ ഹൈദരാബാദില് പരമാവധി താപനില 40 ഡിഗ്രിക്ക് മുകളിലെത്തിയതിനാല് ഒരാള്ക്ക് അടുപ്പില്ലാതെ പാചകം ചെയ്യാന് പോലും കഴിയും.
40 ഡിഗ്രി ചൂടില് വെസ്പ സ്കൂടറിന്റെ സീറ്റിലിരുന്ന് ഒരാള് ദോശ ഉണ്ടാക്കുന്ന വീഡിയോ ഇപ്പോള് വൈറലായിക്കഴിഞ്ഞു. വീഡിയോയില്, ഒരു പുരുഷന് ആദ്യം സ്കൂടര് സീറ്റില് അല്പം ദോശ മാവ് ഒഴിക്കുകയും മറുവശം വേകാനായി അത് മറിച്ചിടുകയും ചെയ്യുന്നത് കാണാം.
വീഡിയോയുടെ അവസാനം, ദോശ ചുട്ടെടുക്കുന്നതും കാണാം. ‘വീട്ടിലിത് പരീക്ഷിക്കരുത്’ എന്ന അടിക്കുറിപ്പോടെ ‘streetfoodofbhagyanagar’ എന്ന പേജാണ് വീഡിയോ ഷെയര് ചെയ്തിരിക്കുന്നത്. ‘വേനല്ക്കാലത്ത് ചൂട് 40 ഡിഗ്രി സെല്ഷ്യസ് കടന്നതോടെ പ്രൊഫഷനലുകള് വെസ്പ സ്കൂടറില് ദോശ ചുടുന്നു,’ എന്ന അടിക്കുറിപ്പും എഴുതിയിട്ടുണ്ട്.
വീഡിയോ കണ്ട് ആളുകള് ഞെട്ടി. ഒരു ഉപയോക്താവ് എഴുതി, ‘ആ സീറ്റ് കവര് നോണ്സ്റ്റിക് തവയേക്കാള് മികച്ചതാണ്,’ ‘ബ്രോ എണ്ണ കാണാനില്ല.’ മറ്റൊരാള് എഴുതി. എന്നാല്, വീഡിയോ വ്യാജമാണെന്നും എഡിറ്റ് ചെയ്തതാണെന്നും മറ്റു ചിലര് അഭിപ്രായപ്പെട്ടു.
മൂന്നാമത്തെ ഉപയോക്താവ് പറഞ്ഞു. ‘ ഫിസിക്സ് പ്രതിഭകളേ, തീര്ചയായും ഇത് എഡിറ്റ് ചെയ്തതാണ്… ദോശയുടെ ബോയിലിംഗ് പോയിന്റ് സീറ്റുകള് ഉണ്ടാക്കുന്നില്ല. ഇത് ശാസ്ത്രജ്ഞരുടെ തമാശയാണ്.’
മറ്റൊരാള് പറഞ്ഞു: ‘ഇത് വ്യാജമാണ്, ദോശയുടെ രൂപം മാറി, നിങ്ങള് സൂര്യതാപത്തില് തിളപ്പിക്കുമ്ബോള് അത് അത്ര എളുപ്പത്തില് ചുവപ്പായി മാറില്ല’. സംഭവം സത്യമായാലും വ്യാജനായാലും ചൂട് അപ്പം പോലെ വീഡിയോ തരംഗമാവുകയാണ്.