കോട്ടയം: ഇടതു പക്ഷ സർക്കാരിൻ്റെ തുടർ ഭരണത്തിലും സംസ്ഥാന സർക്കാർ ജീവനക്കാരുടെ ആനുകൂല്യനിഷേധം തുടരുകയാണെന്ന് കേരള എൻ ജി ഒ അസോസിയേഷൻ സംസ്ഥാന സെക്രട്ടറി രഞ്ജു കെ മാത്യു പറഞ്ഞു. സംസ്ഥാനത്തെ
ജീവനക്കാരുടെയും
അധ്യാപകരുടെയും
ജീവിക്കാനുള്ള അവകാശം പോലും സർക്കാർ കവരുകയാണെന്ന്
അദ്ദേഹം ആരോപിച്ചു.
രണ്ട് വർഷക്കാലമായി മരവിപ്പിച്ച ലീവ് സറണ്ടർ പുനസ്ഥാപിക്കുക, കുടിശ്ശിക ആയ 3 ഗഡു ക്ഷാമബത്ത അനുവദിക്കുക, മെഡിസെപ് സർക്കാർ വിഹിതം ഇല്ലാതെ നടപ്പിലാക്കുന്നതിനുള്ള നീക്കം ഉപേക്ഷിക്കുക , തുടങ്ങിയ വിഷയങ്ങൾ ഉന്നയിച്ചു കൊണ്ട് എൻ.ജി.ഒ അസോസിയേഷൻ കോട്ടയം ജില്ലാ കമ്മിറ്റിയുടെ നേതൃത്വത്തിൽ കോട്ടയം ജില്ലാ ട്രഷറിയ്ക്ക് മുന്നിൽ നടത്തിയ ജില്ലാതല പ്രതിഷേധ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം .
പ്രകൃതി ദുരന്ത കാലത്തും പകർച്ചവ്യാധിക്കാലത്തും ഉൾപ്പെടെ എല്ലാ കാലത്തും സമാനതകളില്ലാത്ത
സേവനം കാഴ്ചവെക്കുന്ന
ജീവനക്കാരുടെ
ആരോഗ്യ സുരക്ഷ ഉറപ്പാക്കാൻ ബാധ്യതപ്പെട്ട സർക്കാർ ഒളിച്ചു കളിക്കുകയാണെന്നും അദ്ദേഹം കൂട്ടിച്ചേർത്തു. ജില്ലാ പ്രസിഡൻ്റ് സതീഷ് ജോർജ്ജ് അദ്ധ്യക്ഷത വഹിച്ചു. ജില്ലാ സെക്രട്ടറി സോജോ തോമസ് , വി.പി.ബോബിൻ , കെ.സി.ആർ.തമ്പി , ജെ ജോബിൻസൺ , അനൂപ് പ്രാപ്പുഴ , ബിജു ആർ , സ്മിത രവി എന്നിവർ പ്രസംഗിച്ചു. സജിമോൻ സി ഏബ്രഹാം , പ്രദീഷ്കുമാർ കെ.സി. അംബിൾ .ബി. പ്രകാശ്, ബിജു എൻ എ, സിറിൽ സഞ്ജു ജോർജ്, മുഹമ്മദ് അജ്മൽ , ബിന്ദു എസ് എന്നിവർ പ്രകടനത്തിന് നേതൃത്വം നൽകി.
