ചണ്ഡിഗഡ്: ഇന്ത്യ-പാക് അതിര്ത്തിക്കടുത്ത് ടിഫിന് ബോക്സ് ബോംബ് കണ്ടെത്തി.പഞ്ചാബിലെ ഫിറോസ്പൂര് ജില്ലയിലെ വയലിലാണ് ഇന്നലെ വൈകുന്നേരം ടിഫിന് ബോക്സില് നിറച്ച സ്ഫോടക വസ്തുക്കള് കണ്ടെത്തിയത്.
പഞ്ചാബ് പോലീസ് ആണ് ഇക്കാര്യം വെളിപ്പെടുത്തിയത്.ഈ ആഴ്ച ജലാലാബാദ് സ്ഫോടനക്കേസുമായി ബന്ധപ്പെട്ട് അറസ്റ്റിലായ മൂന്ന് പേരെ ചോദ്യം ചെയ്തതിന് പിന്നാലെയാണ് ബുധനാഴ്ച അലി കെ ഗ്രാമത്തില് നിന്ന് സ്ഫോടക വസ്തുക്കള് കണ്ടെത്തിയത്.ഇവരില്നിന്നുള്ള വിവരത്തിന്റെ അടിസ്ഥാനത്തില് നടത്തിയ തെരച്ചിലിലാണ് ബോംബ് കണ്ടെത്തിയത്.
നേരത്തെ രഞ്ജിത് സിംഗും അറസ്റ്റിലായിരുന്നു. മൂവരില്നിന്നുമായി രണ്ട് പെന്ഡ്രൈവ്, 1.15 ലക്ഷം രൂപ ടിഫിന് ബോംബ് എന്നിവ കണ്ടെത്തി.ജലാലാബാദ് സ്ഫോടനക്കേസിലെ പ്രതി ഗോര എന്നറിയപ്പെടുന്ന രഞ്ജിത് സിംഗിന് അഭയവും നിയമസഹായങ്ങളും ചെയ്തുകൊടുത്തവരെയാണ് ലുധിയാന പോലീസ് അറസ്റ്റ് ചെയ്തത്.