പാഞ്ഞെത്തിയ ട്രെയിനിനു മുന്നിൽ കൈകൾ വിരിച്ചു നിന്നു: മുട്ടമ്പലം സ്വദേശിയായ യുവാവ് മൂലേടം കുറ്റിക്കാട് ക്ഷേത്രത്തിനു മുന്നിൽ ട്രെയിനിടിച്ചു മരിച്ചു

കോട്ടയം: പാഞ്ഞെത്തിയ ട്രെയിനിനു മുന്നിൽ കൈകൾ വിരിച്ചു നിന്ന യുവാവ് ട്രെയിനിടിച്ചു മരിച്ചു. മൂലേടം കുറ്റിക്കാട് ക്ഷേത്രത്തിനു സമീപത്താണ് യുവാവ് ട്രെയിനിനു മുന്നിൽ നിന്ന് മരിച്ചത്. ഇയാൾ ജീവനൊടുക്കിയതാണ് എന്നു സംശയിക്കുന്നതായി പൊലീസ് പറഞ്ഞു. മുട്ടമ്പലം ചിലമ്പത്ത് വീട്ടിൽ മോഹനന്റെ മകൻ ജിതിൻ മോഹനാ(ലാലു -38)ണ് മരിച്ചത്.

ഇന്നു വൈകിട്ട് ആറു മണിയോടെ മൂലേടം കുറ്റിക്കാട് ക്ഷേത്രത്തിനു സമീപത്തായിരുന്നു സംഭവം. ചിങ്ങവനം ഭാഗത്തു നിന്നും എത്തിയ ട്രെയിനു മുന്നിൽ ജിതിൻ കൈകൾ വിരിച്ചു നിൽക്കുന്നത് കണ്ടതായി നാട്ടുകാരിൽ ചിലരാണ് പൊലീസിനു മൊഴി നൽകിയത്. ഈ സമയം പാഞ്ഞെത്തിയ ട്രെയിൻ ജിതിനെ ഇടിച്ചു തെറിപ്പിച്ചു. കൈകൾ അറ്റുതൂങ്ങിയ നിലയിൽ മൃതദേഹം റെയിൽവേ ട്രാക്കിൽ തന്നെയാണ് പൊലീസ് കണ്ടെത്തിയത്.