തൊടുപുഴ: വാഹന പരിശോധനക്കിടെ ബൈക്കില് രണ്ട് കിലോ കഞ്ചാവുമായി വന്ന യുവാക്കളിലൊരാള് പിടിയിലായി. പാലാ കൊട്ടാരംകുന്നേല് ജോമോന് ജേക്കബാണ് (27) പിടിയിലായത്. ഒപ്പമുണ്ടായിരുന്ന പാലാ ചെത്തിമറ്റം സ്വദേശി ജീവന് സജീവ് രക്ഷപ്പെട്ടു. ചൊവ്വാഴ്ച ഉച്ചക്ക് 11.30ന് തെക്കുംഭാഗം- അഞ്ചിരി റൂട്ടില് മലങ്കര ഗേറ്റിന് സമീപത്ത് വാഹനപരിശോധന നടത്തുന്നതിനിടെയായിരുന്നു സംഭവം.
ബൈക്കിലെത്തിയ രണ്ടുപേര് കൈയിലെ അരി സഞ്ചി പൊലീസ് പരിശോധിക്കുന്നതിനിടെ പിന്നിലിരുന്ന യുവാവ് ഓടി രക്ഷപ്പെടുകയായിരുന്നു. ബൈക്കിെന്റ ടാങ്കില് സൂക്ഷിച്ചിരുന്ന സഞ്ചി പരിശോധിച്ചപ്പോള് പ്ലാസ്റ്റിക് കവറില് പൊതിഞ്ഞ നിലയില് രണ്ട് കിലോ കഞ്ചാവ് കണ്ടെത്തി. തുടര്ന്ന് തൊടുപുഴ എസ്.ഐ ബൈജു പി. ബാബുവിന്റെ നേതൃത്വത്തില് പ്രതിയെ കസ്റ്റഡിയില് എടുക്കുകയായിരുന്നു.
രക്ഷപ്പെട്ട ബസ് തൊഴിലാളിയായ രണ്ടാം പ്രതിക്കായി പൊലീസ് അന്വേഷണം ഊര്ജിതമാക്കി. എസ്.ഐ ജോസഫ്, എ.എസ്.ഐ നജീബ്, എ.എസ്.ഐ ഷംസുദ്ദീന്, സീനിയര് സിവില് പൊലീസ് ഓഫിസര്മാരായ പി.കെ. ജിന്ന, ബിനു എന്നിവരാണ് പൊലീസ് സംഘത്തില് ഉണ്ടായിരുന്നത്.