തിരുവനന്തപുരം: കേരളാ ഓട്ടോമൊബൈല്സില് കടുത്ത സാമ്ബത്തിക പ്രതിസന്ധി. കയ്യുംകണക്കുമില്ലാതെയാണ് നിര്മാണ സാമഗ്രികള് വാങ്ങിച്ച് കൂട്ടിയിരിക്കുന്നത്.
ഒന്നര വര്ഷം മുമ്ബ് വാങ്ങിയ രണ്ട് കോടിയുടെ മെഷിനറികളുടെ കവര് പോലും തുറന്ന് നോക്കിയിട്ടില്ല.
ഇലക്ട്രിക് ഓട്ടോയ്ക്കായി വാങ്ങിയ മോട്ടോറുകളും പെയിന്റും മറ്റ് സാമഗ്രികളും അടക്കം കോടികള് വില വരുന്ന സാധനങ്ങളാണ് കെഎഎല് ഫാക്ടറിയില് ഉപയോഗിക്കാതെ കൂട്ടിയിട്ടിരിക്കുന്നത്. കഴിഞ്ഞ അഞ്ചുവര്ഷത്തിനിടെ പ്രതിസന്ധി പരിഹരിക്കാന് കേരളാ സര്ക്കാര് കെഎഎല്ലിന് 35 കോടി രൂപ നല്കിയിരുന്നു.
എന്നാല് ഈ പണം കെഎഎല് ചെലവഴിച്ചതോ കോടികള് ചിലവിട്ട് വാങ്ങിയ ഉപകരണങ്ങളിലൂടെ. 1.84 കോടി രൂപയുടെ ഉപകരണമാണ് ഉപയോഗത്തിനില്ലാതെ കിടക്കുന്നത്.
ഇതുവരെ വിറ്റത് 200 ല് താഴെ ഇലട്രിക് ഓട്ടോകള് മാത്രമാണ്. 12 ലക്ഷം രൂപയ്ക്ക് വാങ്ങിക്കൂട്ടിയ പെയിന്റ് നശിച്ചുപോകുകയാണ്. ഫ്രണ്ട് ഡൂമും പാസഞ്ചര് ബോഡിയും സീറ്റുകളും അടക്കം ഇഷ്ടം പോലെ സാധനസാമഗ്രികളാണ് ഫാക്ടറിയില് വെറുതെ കിടക്കുന്നത്.
വില കൂടിയ സാധനങ്ങള് ആവശ്യാനുസരണം അവസാനം മാത്രം വാങ്ങുക എന്ന രീതി കെഎഎല്ലില് ഇല്ല. കോടികളാണ് സാധനങ്ങള് വാങ്ങിയതിലൂടെ മാത്രം പല വിതരണക്കാര്ക്കും കൊടുക്കാനുള്ളത്. ഇലക്ട്രിക് ഓട്ടോയുടെ നിര്മാണമാണെങ്കില് പ്ലാന്റില് ഏതാണ്ട് നിലച്ച മട്ടാണ്. മാസങ്ങളായി തൊഴിലാളികള്ക്ക് ശമ്ബളം പോലും കൊടുക്കാതെയാണ് ഈ പര്ച്ചേസ് ധൂര്ത്തും അതിന്റെ പിറകില് നടക്കുന്ന അഴിമതിയും.