ചടയമംഗലം: പൊലീസുമായി വാക്കേറ്റമുണ്ടായ സംഭവത്തില് 18 കാരിക്കെതിരെ കേസെടുത്ത സംഭവത്തില് വനിത കമീഷന് പൊലീസ് റിപ്പോര്ട്ട് സമര്പ്പിച്ചു. ഗൗരി നന്ദക്കെതിരെ ചുമത്തിയത് ജാമ്യം ലഭിക്കാവുന്ന വകുപ്പുകളാണെന്ന് പൊലീസ് റിപ്പോര്ട്ടില് പറയുന്നു. ചടയമംഗലം പൊലീസാണ് വനിത കമീഷന് ആവശ്യപ്പെട്ട പ്രകാരം റിപ്പോര്ട്ട് കൈമാറിയത്.
പെണ്കുട്ടിക്കെതിരെ ചുമത്തിയ വകുപ്പുകളില് വിശദീകരണം നല്കാനാണ് സംഭവം വിവാദമായതിനെ തുടര്ന്ന് ബുധനാഴ്ച വൈകീട്ട് അടിയന്തര റിപ്പോര്ട്ട് ആവശ്യപ്പെട്ടതെന്ന് കമീഷന് അംഗം ഷാഹിദ കമാല് പറഞ്ഞു.
പിഴയടക്കുന്നതുമായി ബന്ധപ്പെട്ടായിരുന്നു പൊലീസും വയോധികനും തമ്മില് തര്ക്കമുണ്ടായത്. ഇതിനെക്കുറിച്ച് ചോദിച്ചതിന് പെണ്കുട്ടിക്കെതിരെയും പൊലീസ് പിഴ ചുമത്തി. കോവിഡ് മാനദണ്ഡം ലംഘിെച്ചന്ന് കാണിച്ചായിരുന്നു നടപടി. പൊലീസിന്െറ നടപടി ചോദ്യംചെയ്ത പതിനെട്ട് വയസ്സുകാരിക്കെതിരെ കൃത്യനിര്വഹണം തടസ്സപ്പെടുത്തിയതിനെതിരെ ജാമ്യമില്ല വകുപ്പ് പ്രകാരം കേസെടുത്തിരുന്നു.
സംഭവം വിവാദമായതോടെ ഈ കേസ് ഒഴിവാക്കി കോവിഡ് ലംഘനത്തിന് മാത്രമെടുത്ത കേസ് നിലനിര്ത്തുകയായിരുന്നു. ഇതിനിടെ സംഭവത്തില് പരാതിയുമായി പെണ്കുട്ടി യുവജന കമീഷനെ സമീപിച്ചിരുന്നു. പത്രമാധ്യമങ്ങളും സോഷ്യല് മീഡിയയും വിഷയത്തില് ഇടപെട്ടില്ലായിരുന്നെങ്കില് താന് ഇതിനകം റിമാന്ഡിലായിരുന്നേനെയെന്ന് ഗൗരി നന്ദ പറഞ്ഞു.