വെഞ്ഞാറമൂട്: വയോധികയുടെ തല ഭിത്തിയിലിടിച്ച് പരിക്കേല്പ്പിച്ച ചെറുമകനെതിരേ വധശ്രമത്തിന് പോലീസ് കേസ് രജിസ്റ്റര് ചെയ്തു. മദ്യപിക്കാന് പണം നല്കാത്തതിനാണ് ആക്രമണം. വാമനപുരം മേലാറ്റുമൂഴി കരുംകുറ്റിക്കരകുറ്റി സ്വദേശി രഞ്ജിത്ത് (32) ആണ് പിടിയിലായത്.
രഞ്ജിത്ത് മദ്യം വാങ്ങാന് വൃദ്ധയോട് പണം ചോദിക്കുക പതിവായിരുന്നു. കൊടുത്തില്ലെങ്കില് ഭീഷണിപ്പെടുത്തി വാങ്ങുമായിരുന്നു. പതിവുപോലെ കഴിഞ്ഞ ദിവസവും മദ്യലഹരിയില് വീട്ടിലെത്തിയ ഇയാള് വീണ്ടും പണം ചോദിച്ചു. എന്നാല് വൃദ്ധ പണം കൊടുക്കാന് തയാറായില്ല. തുടര്ന്ന് ഇയാള് വയോധികയെ ആക്രമിക്കുകയായിരുന്നു.ഗുരുതരമായി പരുക്കേറ്റ വൃദ്ധ ആശുപത്രിയില് ചികിത്സയിലാണ്.