പന്നിത്തടം: മന്ത്രവാദത്തിന്റെ മറവിൽ 13കാരിയെ പീഡിപ്പിച്ച സിദ്ധനെ അറസ്റ്റ് ചെയ്തു. ചിറമനേങ്ങാട് പാലക്കവീട്ടിൽ ആലിക്കുട്ടി മസ്താനെ(60)യാണ് അറസ്റ്റ് ചെയ്തത്. മലപ്പുറം കൽപകഞ്ചേരി പൊലീസ് ആണ് ഇയാളെ അറസ്റ്റ് ചെയ്തത്.
ദിവ്യശക്തിയുണ്ടെന്ന് അവകാശപ്പെടുന്ന ആലിക്കുട്ടി മന്ത്രവാദത്തിന്റെ പേര് പറഞ്ഞാണ് പെൺകുട്ടിയെ പീഡിപ്പിച്ചത്. വീട്ടിലെ ബുദ്ധിമുട്ടുകൾ മാറ്റാനാണ് കുട്ടിയുടെ പിതാവ് ഇയാളെ സമീപിച്ചത്.
പെൺകുട്ടിയുടെ ശരീരത്തിൽ പിശാച് ബാധയുണ്ടെന്ന് വീട്ടുകാരെ വിശ്വസിപ്പിച്ച് ബാധയൊഴിപ്പിക്കലിന്റെ മറവിൽ കുട്ടിയെ ആക്രമണത്തിന് ഇരയാക്കുകയായിരുന്നു. കുട്ടിയുടെ വീട്ടിലും മാന്ത്രിക കർമങ്ങൾക്കായി ഇയാളുടെ വീട്ടിൽ വിളിച്ചുവരുത്തിയുമായിരുന്നു പീഡനം നടത്തിയത്.
