മലയാളത്തില്‍ ഏറെ ആരാധകരുള്ള നടിയാണ് അംബിക. ഒരുകാലത്ത് സൂപ്പര്‍താര ചിത്രങ്ങളിലെ നായികയായി അംബിക തിളങ്ങിയിട്ടുണ്ട്. മലയാളത്തിനു പുറമെ മറ്റ് തെന്നിന്ത്യന്‍ ഭാഷകളിലും അംബിക അഭിനയിച്ചിട്ടുണ്ട്. അംബികയുടെ വ്യക്തിജീവിതം ഏറെ ഗോസിപ്പ് കോളങ്ങളില്‍ നിറഞ്ഞതായിരുന്നു.
താരത്തിന്റെ രണ്ട് വിവാഹബന്ധങ്ങളും ഡിവോഴ്‌സില്‍ കലാശിച്ചിരുന്നു. 1962 ലാണ് അംബികയുടെ ജനനം. തിരുവനന്തപുരം സ്വദേശിനിയാണ് താരം. 1988 ല്‍ എന്‍ആർഐ മലയാളിയായ പ്രേംകുമാറിനെ അംബിക വിവാഹം കഴിച്ചു. ഈ ബന്ധത്തില്‍ രണ്ട് ആണ്‍മക്കളുണ്ട്.
പ്രേംകുമാറിനെ വിവാഹം കഴിച്ച ശേഷം അംബിക അമേരിക്കയില്‍ സെറ്റില്‍ ചെയ്തു. 1996 ല്‍ പ്രേംകുമാറുമായുള്ള ബന്ധം അംബിക ഉപേക്ഷിച്ചു. അതിനുശേഷം രണ്ടായിരത്തില്‍ നടന്‍ രവികാന്തിനെയാണ് അംബിക വിവാഹം കഴിച്ചത്. ഈ ബന്ധം രണ്ട് വർഷം മാത്രമാണ് നീണ്ടുനിന്നത്. 2002 ല്‍ ഇരുവരും പിരിഞ്ഞു. ചെന്നൈയിലാണ് അംബിക ഇപ്പോള്‍ താമസിക്കുന്നത്.
