മരട് (എറണാകുളം): നെട്ടൂരില്‍ ഫൈബര്‍ ബോട്ട് മറിഞ്ഞ് മൂന്നുപേര്‍ മരിച്ചു. ഒരാള്‍ നീന്തി രക്ഷപ്പെട്ടു. നെട്ടൂര്‍ പെരിങ്ങാട്ടുപറമ്ബ് ബീന മന്‍സിലില്‍ നവാസിെന്‍റയും ഷാമിലയുടെയും മക്കളായ അഷ്ന (22), ആദില്‍ (19), കോന്തുരുത്തി മണാലില്‍ വീട്ടില്‍ പോളിെന്‍റയും ഹണിയുടെയും മകനായ എബിന്‍ (22) എന്നിവരാണ് മരിച്ചത്. കോന്തുരുത്തി സ്വദേശി പ്രവീണ്‍ (24) നീന്തി രക്ഷപ്പെട്ടു.
തിങ്കളാഴ്ച വൈകീട്ട് അഞ്ചരയോടെ നെട്ടൂര്‍ -തേവര കായലിലായിരുന്നു സംഭവം. വിദ്യാര്‍ഥികളായ അഷ്നയും ആദിലും വീട്ടില്‍ കേക്ക് നിര്‍മിച്ച്‌ ചെറിയ തോതില്‍ കച്ചവടം നടത്തുന്നുണ്ട്.
പ്രവീണും എബിനും ഇവരോട് കേക്ക് ആവശ്യപ്പെട്ടിരുന്നു. ഇത് നല്‍കാനായി നെട്ടൂരിലെ വീട്ടില്‍ നിന്ന് ബൈക്കില്‍ പുറപ്പെട്ടതാണ് ഇരുവരും.
കേക്ക് വാങ്ങാന്‍ ഫൈബര്‍ ബോട്ടില്‍ നെട്ടൂരിലെത്തിയ എബിനും പ്രവീണും കായല്‍ ചുറ്റിക്കാണാന്‍ അഷ്നയെയും ആദിലിനെയും ക്ഷണിച്ചതിനെ തുടര്‍ന്ന് തിരുനെട്ടൂര്‍ റെയില്‍വേ സ്റ്റേഷനുസമീപം ബൈക്ക് നിര്‍ത്തി ഇരുവരും അവര്‍ക്കൊപ്പം ചേര്‍ന്നു.
നാലു പേരും ബോട്ടില്‍ സഞ്ചരിക്കുേമ്ബാള്‍ കരയില്‍നിന്ന് അധികം ദൂരെയല്ലാതെയാണ് അപകടം. പെരുമ്ബാവൂര്‍ നാഷനല്‍ കോളജിലെ ബി.എഡ് വിദ്യാര്‍ഥിനിയാണ് അഷ്ന. ആദില്‍ പ്ലസ് ടു വിദ്യാര്‍ഥിയാണ്. കളമശ്ശേരി സെന്‍റ് പോള്‍സ് കോളജിലെ ബി.എ ഇംഗ്ലീഷ് വിദ്യാര്‍ഥിയാണ് എബിന്‍.
