പാലക്കാട്: ഷാജ് കിരണിനായി വാടക ഗര്ഭധാരണത്തിന് താന് തയാറായിരുന്നുവെന്ന് സ്വപ്ന സുരേഷ്. ഷാജ് കിരിണിനും ഭാര്യയ്ക്കും വര്ഷങ്ങളായി കുട്ടികളില്ലായിരുന്നു. ഷാജ് കിരണിന്റെ ഭാര്യയുടെ വേദന മനസിലാക്കിയാണ് ഗര്ഭധാരണത്തിന് സമ്മതിച്ചതെന്നും സ്വപ്ന പറഞ്ഞു. തങ്ങള്ക്ക് സ്വപ്ന ഗര്ഭപാത്രം വാടകയ്ക്ക് നല്കാമെന്ന് അറിയിച്ചിരുന്നതായി ഷാജ് കിരണും കഴിഞ്ഞ ദിവസം പറഞ്ഞിരുന്നു. ഷാജ് കിരണിനെ വര്ഷങ്ങള്ക്ക് മുന്പ് പരിചയമുണ്ടായിരുന്നുവെന്ന് സ്വപ്ന പാലക്കാട് പറഞ്ഞു.
ഷാജ് കിരണിനെ തനിക്ക് വര്ഷങ്ങള്ക്ക് മുന്പ് പരിചയമുണ്ടായിരുന്നുവെന്നും സ്വപ്ന സുരേഷ് കൂട്ടിച്ചേർത്തു. എം. ശിവശങ്കറാണ് ഷാജ് കിരണിനെ തനിക്ക് പരിചയപ്പെടുത്തിയതെന്നും സ്വപ്ന പാലക്കാട്ട് വാര്ത്താസമ്മേളനത്തില് പറഞ്ഞു. അശ്വത്ഥാമാവ് വെറും ഒരു ആന എന്ന ശിവശങ്കറിന്റെ പുസ്തകം ഇറങ്ങിയശേഷം ഷാജ് കിരണ് വീണ്ടും തന്റെ അടുത്തെത്തി സൗഹൃദം പുതുക്കിയെന്നും സ്വപ്ന പറഞ്ഞു. താനും ഷാജ് കിരണും തമ്മില് 60 ദിവസത്തെ പരിചയം മാത്രമല്ല ഉള്ളതെന്നും സ്വപ്ന കൂട്ടിച്ചേര്ത്തു.