നിങ്ങളുടെ സ്മാർട്ട്ഫോണുകളും നിരീക്ഷിക്കപ്പെടുന്നുണ്ടാവാം: ഇക്കാര്യങ്ങൾ നിർബന്ധമായും ശ്രദ്ധിക്കുക.

നിങ്ങളുടെ മെസേജുകള്‍, കോളുകള്‍, മറ്റ് ഡാറ്റകള്‍ എന്നിവ മറ്റൊരു നമ്ബരിലേക്ക് ഫോര്‍വേഡ് അല്ലെങ്കില്‍ ഡൈവേര്‍ട്ട് ചെയ്തിട്ടുണ്ടോ എന്ന് മനസിലാക്കാന്‍ സഹായിക്കുന്ന കോഡ് ആണിത്. വളരെ ഉപയോഗപ്രദമായ കോഡുകളില്‍ ഒന്ന് കൂടിയാണിത്. ഏതെങ്കിലും ഡാറ്റ ഉത്തരത്തില്‍ വഴി തിരിച്ച്‌ വിട്ടിട്ടുണ്ടെങ്കില്‍ അത് ഏത് നമ്ബരിലേക്കാണെന്നും ഏതൊക്കെ തരത്തില്‍ ഡാറ്റകള്‍ ഡൈവേര്‍ട്ട് ചെയ്തിട്ടുണ്ടെന്നും മനസിലാക്കാന്‍ സാധിക്കും.

ചിലര്‍ക്കെങ്കിലും ആര് വിളിച്ചാലും കോള്‍ കണക്റ്റാകുന്നില്ലെന്ന പരാതി കേള്‍ക്കേണ്ടി വന്നിട്ടുണ്ടാകും. എപ്പോഴൊക്കെ നിങ്ങളെ വിളിച്ചാലും ലഭിക്കില്ലെന്ന പരിഭവത്തിന് നാം മറുപടി നല്‍കുന്നത് റേഞ്ചിന്റെ പ്രശ്നമാണ് എന്നായിരിയ്ക്കും. എന്നാല്‍ ഇത് പൂര്‍ണമായും ശരിയാകണമെന്നില്ല. പ്രത്യേകിച്ചും നിങ്ങളെ വിളിക്കുന്നവര്‍ കേള്‍ക്കുന്നത് നോ സര്‍വീസ് എന്നോ അണ്‍ ആന്‍സ്വേഡ് എന്നൊക്കെ ആണെങ്കില്‍. ഇത്തരം സാഹചര്യങ്ങളില്‍ ഈ കോഡ് ഉപയോഗിക്കുക. നിങ്ങളുടെ കോളുകളും സന്ദേശങ്ങളും ഡാറ്റയും റീഡയറക്‌ട് ചെയ്യപ്പെടുന്നുണ്ടോ എന്ന് മനസിലാക്കാന്‍ ഈ എംഎംഐ കോഡ് യൂസറിനെ സഹായിക്കും. ഈ വിവരങ്ങള്‍ നിങ്ങളുടെ സെല്‍ഫോണ്‍ ഓപ്പറേറ്ററുടെ നമ്ബരിലേക്കാണോ ഡയറക്റ്റ് ചെയ്യപ്പെടുന്നത് എന്നും മനസിലാക്കാന്‍ സാധിക്കും. ഇത് മിക്കപ്പോഴും സംഭവിക്കാറുണ്ട്.

മുകളില്‍ പറഞ്ഞത് പോലെ നിങ്ങളുടെ കോളുകളും സന്ദേശങ്ങളും ഡാറ്റയും റീഡയറക്‌ട് ചെയ്യപ്പെടുകയാണെന്നും ഇത് എങ്ങനെ സംഭവിച്ചു എന്ന് നിങ്ങള്‍ക്ക് മനസിലാകുന്നുമില്ല എന്ന് വയ്ക്കുക. ഇത് എങ്ങനെ അവസാനിപ്പിക്കും എന്ന് ആലോചിക്കുമ്ബോഴാണ് ഈ എംഎംഐ കോഡ് ഉപയോ​ഗപ്രദമാകുന്നത്. ##002# എന്ന ഈ കോ‍ഡ് ഉപയോക്താക്കളെ അവരുടെ ആന്‍ഡ്രോയിഡ് സ്‌മാര്‍ട്ട്‌ഫോണുകളില്‍ നിന്ന് എല്ലാ തരത്തിലുമുള്ള ഡാറ്റ റീഡയറക്‌ടുകളും ഫോ‍‍‍ര്‍വേഡുകളും സ്വിച്ച്‌ ഓഫ് ചെയ്യാന്‍ അനുവദിക്കുന്നു. നിങ്ങള്‍ റോമിങ് ഉപയോഗിക്കാന്‍ താത്പര്യപ്പെടുകയും അനാവശ്യ റീഡയറക്‌ട് കോളുകള്‍ക്ക് പണം നല്‍കേണ്ടതില്ല എന്നും തീരുമാനിക്കുമ്ബോഴും ഈ കോഡുകള്‍ കൂ‌ടുതല്‍ ഉപകാരപ്രദമാകും.

വളരെ ഉപയോ​ഗപ്രദമായ മറ്റൊരു കോഡ‍് ആണ് ഇത്. നിങ്ങളുടെ സ്മാര്‍ട്ട്ഫോണിന്റെ ഐഎംഇഐ ( ഇന്റര്‍നാഷണല്‍ മൊബൈല്‍ എക്യുപ്‌മെന്റ് ഐഡന്റിഫയര്‍ ) നമ്ബര്‍ കണ്ടെത്താന്‍ ഈ കോഡ് യൂസേഴ്സിനെ സഹായിക്കും. സ്മാ‍‍‍ര്‍ട്ട്ഫോണിന്റെ ഐഎംഇഐ നമ്ബ‍‍‍ര്‍ അറിഞ്ഞിരിക്കുന്നത് എപ്പോഴും നല്ലതാണ്. പ്രത്യേകിച്ചും നിങ്ങളുടെ ഡിവൈസ് നഷ്ടമാകുന്ന സാഹചര്യത്തില്‍. ഫോണ്‍ നഷ്ടമായാല്‍ സെന്‍ട്രല്‍ എക്യുപ്‌മെന്റ് ഐഡന്റിറ്റി രജിസ്‌റ്റര്‍ അല്ലെങ്കില്‍ സിഇഐആര്‍ വെബ്‌സൈറ്റ് സന്ദര്‍ശിച്ച്‌ നഷ്ടപ്പെട്ട സ്‌മാര്‍ട്ട്‌ഫോണിന്റെ ലൊക്കേഷന്‍ ട്രാക്ക് ചെയ്യാന്‍ ഈ ഐഎംഇഐ നമ്ബര്‍ ഉപയോഗിക്കാം. ഫോണ്‍ ഓഫായിരിക്കുമ്ബോഴും പുതിയ സിം കാര്‍ഡ് ഉള്ളപ്പോഴും അത് ട്രാക്ക് ചെയ്യാനും ഐഎംഇഐ നമ്ബര്‍ നിങ്ങളെ സഹായിക്കും.

സ്വകാര്യതയ്ക്കും സുരക്ഷയ്ക്കും മുന്‍ഗണന, പുതുമകളുമായി ആന്‍ഡ്രോയിഡ് 13! അറിഞ്ഞിരിക്കാം ഈ ഫീച്ചറുകള്‍

ലോകത്ത് ഏറ്റവുമധികം ആളുകള്‍ ഉപയോഗിക്കുന്ന ഓപ്പറേറ്റിങ് സിസ്റ്റമായ ആന്‍ഡ്രോയിഡ് പുതിയ പതിപ്പില്‍ എത്തുമ്ബോള്‍ എന്തെല്ലാം പുതുമകളാകും ഉണ്ടാകുക? ഇതുവരെ പുറത്തുവന്നിട്ടുളള വിവരങ്ങള്‍ വച്ച്‌ ആന്‍ഡ്രോയിഡ് 12ല്‍ വന്ന അത്ര പുതുമ അടുത്ത ഒഎസില്‍ പ്രതീക്ഷിക്കേണ്ടതില്ലെന്ന് പറയുന്നു. ആന്‍ഡ്രോയിഡ് 12ല്‍ ഡൈനാമിക് കളര്‍ തീം എന്‍ജിനായ ‘മെറ്റീരിയല്‍ യൂ’ കൊണ്ടുവന്നതു പോലെയുള്ള ഒരു വമ്ബന്‍ മാറ്റം പുതിയ ഒഎസില്‍ ഇല്ല. പക്ഷേ, ‘മെറ്റീരിയല്‍ യൂ’ ല്‍ കൂടുതല്‍ മികവ് വരുത്തുകയും, ഒരു പറ്റം മാറ്റങ്ങള്‍ കൊണ്ടുവരികയും ചെയ്തിട്ടുണ്ടെന്നു കാണാം.

∙ സ്വകാര്യത, സുരക്ഷ

ഉപയോക്താക്കളുടെ സ്വകാര്യത സംരക്ഷിക്കാനായി ഗൂഗിള്‍ പോലെയുള്ള കമ്ബനികളെ വരുതിക്കു നിര്‍ത്താന്‍ വിവിധ രാജ്യങ്ങള്‍ നിയമനിര്‍മാണം നടത്തുന്ന ഈ കാലത്ത് പുതിയ സ്വകാര്യതാ ഫീച്ചറുകള്‍ കൊണ്ടുവന്നേ മതിയാകൂ എന്ന് കമ്ബനിക്കറിയാം. ആന്‍ഡ്രോയിഡ് 13ല്‍ വരുന്ന മുഖ്യമായ മാറ്റങ്ങളിലൊന്ന് കളര്‍ കോഡോടു കൂടിയ സുരക്ഷാ സ്റ്റാറ്റസാണ്. സ്മാര്‍ട് ഫോണിന്റെ സുരക്ഷ വര്‍ധിപ്പിക്കാനായി എന്തെല്ലാം ചെയ്യണമെന്നും പുതിയ ഓപ്പറേറ്റിങ് സിസ്റ്റം ഫോണിന്റെ ഉടമയ്ക്ക് നിര്‍ദേശം നല്‍കുകയും ചെയ്യും. വൈ-ഫൈ സ്‌കാന്‍ ചെയ്ത് ലൊക്കേഷന്‍ കണ്ടുപിടിക്കുന്ന രീതിയിലും മാറ്റം വന്നിട്ടുണ്ട്.

മറ്റൊന്ന് ക്ലിപ്‌ബോര്‍ഡ് ഹിസ്റ്ററിയുടെ കാര്യത്തിലാണ്. (എന്താണ് ക്ലിപ്‌ബോര്‍ഡ് ഹിസ്റ്ററി? നിങ്ങള്‍ ഒരു യുആര്‍എല്‍ കോപ്പി ചെയ്തു എന്നിരിക്കട്ടെ. നിലവില്‍ അത് വളരെയധികം നേരം അങ്ങനെ കോപ്പി ചെയ്തു നില്‍ക്കും. കുറേസമയം കഴിഞ്ഞും ഇത് പേസ്റ്റു ചെയ്യാം. ഇത് പല ആപ്പുകളും ആക്‌സസ് ചെയ്യുകയും നിങ്ങള്‍ എന്താണ് കോപ്പി ചെയ്തത് എന്ന് മനസിലാക്കുകയും ചെയ്യും. ഇങ്ങനെ പ്രവര്‍ത്തിക്കുന്ന ആപ്പുകളെക്കുറിച്ചുള്ള വിവരങ്ങള്‍ ആന്‍ഡ്രോയിഡ് 12ല്‍ തുറന്നുകാണിക്കുന്നുണ്ട്.) ആന്‍ഡ്രോയിഡ് 13ല്‍ ക്ലിപ്‌ബോര്‍ഡ് ഹിസ്റ്ററി കുറഞ്ഞ സമയത്തിനുള്ളല്‍ ഗൂഗിള്‍ നീക്കം ചെയ്യുന്നു. മറ്റു സ്വകാര്യതാ ഫീച്ചറുകളും പുതിയ ഒഎസില്‍ എത്തും.

∙ നോട്ടിഫിക്കേഷന്‍ അയയ്ക്കാനുള്ള അനുമതി

നോട്ടിഫിക്കേഷന്‍ സിസ്റ്റത്തിന്റെ കാര്യത്തില്‍ ഐഒഎസിനേക്കാള്‍ മെച്ചമാണ് ആന്‍ഡ്രോയിഡ് എന്നാണ് പൊതുവെ വിലയിരുത്തപ്പെടുന്നത്. എന്നാല്‍, ഇപ്പോള്‍ ആന്‍ഡ്രോയിഡിനുള്ള ഒരു പരിമിതി അവ ആപ്പുകള്‍ക്ക് നോട്ടിഫിക്കേഷന്‍ നല്‍കാനുള്ള അനുമതി ഡിഫോള്‍ട്ടായി നല്‍കുന്നു എന്നതാണ്. ഉപയോക്താവ് പോയി പിന്നെ ഒരോ ആപ്പിനും നോട്ടിഫിക്കേഷന്‍ അനുമതി വേണ്ടന്നു വയ്ക്കണം. ഇത് ആന്‍ഡ്രോയിഡ് 13 എത്തുന്നതോടെ അവസാനിക്കുന്നു. നിങ്ങള്‍ അനുമതി നല്‍കിയാല്‍ മാത്രമായിരിക്കും പുതിയ ഒഎസില്‍ ആപ്പുകള്‍ നോട്ടിഫിക്കേഷന്‍ അയച്ചു ശല്യപ്പെടുത്തുക.

∙ മീഡിയാ അക്‌സസ്

ആപ്പുകള്‍ക്ക് ഇപ്പോള്‍ ഗ്യാലറിയിലേക്കും മറ്റും യഥേഷ്ടം കടന്നു കയറാനുള്ള അനുമതി നല്‍കേണ്ടതായി വരുന്നു. അതും ആന്‍ഡ്രോയിഡ് 13ല്‍ പരിഷ്‌കരിക്കുന്നു. ഇനിമേല്‍ എല്ലാ ഡേറ്റയിലേക്കും കടന്നുകയറുന്നത് അവസാനിപ്പിച്ച്‌, ‘ഫോട്ടോസ് ആന്‍ഡ് വിഡിയോസ്’, ‘മ്യൂസിക് ആന്‍ഡ്‌ഓഡിയോ’ എന്ന രണ്ടു വിഭാഗത്തിന് ഏതിനെങ്കിലും മാത്രമായും അനുമതി നല്‍കാം. ഇതും ഒരുപടികൂടി കടക്കണമെന്ന് ആഗ്രഹമുള്ളവര്‍ക്ക് അതു ചെയ്യാം. ഇതിനായി ഒരുങ്ങുന്നത് ‘ഫോട്ടോ പിക്കര്‍’ ഫീച്ചറാണ്. നിങ്ങള്‍ അനുവദിക്കുന്ന ചില ഫോട്ടോകള്‍ക്ക് മാത്രം ആപ്പുകള്‍ക്ക് അക്‌സസ് നല്‍കുന്ന രീതിയാണിത്.

∙ ഫോട്ടോ പിക്കര്‍ യുഐ

ഫോട്ടോ പിക്കറിനായി പുതിയ യൂസര്‍ ഇന്റര്‍ഫെയ്‌സും കമ്ബനി അവതരിപ്പിക്കും. ഇപ്പോള്‍ ആന്‍ഡ്രോയിഡ് 12ല്‍ ഉള്ള ഡോക്യുമെന്റ് പിക്കറിനു സമാനമാണ്. കൂടാതെ, ഈ യൂസര്‍ ഇന്റര്‍ഫെയസ് ആന്‍ഡ്രോയിഡ് 11 മുതല്‍ ഉള്ള ഉപകരണങ്ങള്‍ക്ക് നല്‍കാനുള്ള സാധ്യതയും ഉണ്ട്. ഇത് ഗൂഗിള്‍ പ്ലേ സിസ്റ്റം അപ്‌ഡേറ്റ് വഴിയായിരിക്കും.

∙ ഗൂഗിള്‍ വോലറ്റ്

ഗൂഗിള്‍ വോലറ്റ് തിരിച്ചെത്തുന്നു എന്നതാണ് ഈ വര്‍ഷത്തെ മറ്റൊരു സുപ്രധാന മാറ്റം. ആപ്പിള്‍ വോലറ്റിനു സമാന രീതിയിലായിരിക്കും ഇതു പ്രവര്‍ത്തിക്കുക. ഏതു കാര്‍ഡും കീയും ഇതില്‍ സൂക്ഷിക്കാം. ക്രെഡിറ്റ്/ഡെബിറ്റ് കാര്‍ഡുകള്‍, ട്രാന്‍സിറ്റ് പാസുകള്‍, ഓഫിസ് ഐഡികള്‍, വാക്‌സീന്‍ സര്‍ട്ടിഫിക്കറ്റുകള്‍, കാര്‍ കീകള്‍, ബോര്‍ഡിങ് പാസുകള്‍, ഹോട്ടല്‍ കീകള്‍, സ്റ്റിയൂഡന്റ് ഐഡികള്‍ തുടങ്ങിയവയും ഗൂഗിള്‍ വോലറ്റില്‍ സുരക്ഷിതമായി സൂക്ഷിക്കാമെന്ന് കമ്ബനി പറയുന്നു.

ഇനിമേല്‍ ഇങ്ങനെ സൂക്ഷിക്കുന്ന കാര്‍ഡുകള്‍ ഡിജിറ്റലായി ഷെയര്‍ ചെയ്യാനുള്ള അവസരമാണ് കമ്ബനി ഒരുക്കുന്നത്. ഒരു ഫിസിക്കല്‍ കാര്‍ഡ് നേരിട്ട് മറ്റൊരാളുടെ കയ്യിലേക്ക് നല്‍കുന്നതിനു പകരമായി കാര്‍ഡുകള്‍ ഡിജിറ്റലായി നല്‍കാം. ഗൂഗിള്‍ ആപ്പുകളുമായും വോലറ്റിനെ ബന്ധിപ്പിച്ചിരിക്കുന്നു. എന്നാല്‍, ഗൂഗിള്‍ വോലറ്റ് ആന്‍ഡ്രോയിഡ് 13ന്റെ മാത്രം ഫീച്ചറായിരിക്കില്ല. ആന്‍ഡ്രോയഡ് 5 ലോലിപോപ് പ്രവര്‍ത്തിക്കുന്ന ഫോണുകള്‍ക്ക് മുതല്‍ ഇതു നല്‍കാനാണ് കമ്ബനി ഉദ്ദേശിക്കുന്നത്.

∙ വലിയ സ്‌ക്രീനുകളില്‍ മികവു കൊണ്ടുവരാനുള്ള ശ്രമം

ആപ്പിള്‍ തങ്ങളുടെ ഐപാഡുകളെ ലാപ്‌ടോപ്പിനു സമാനമായ ഫീച്ചറുകള്‍ നല്‍കി കരുത്തുറ്റതാക്കുമ്ബോള്‍ ആന്‍ഡ്രോയിഡ് ടാബുകള്‍ ഒരു പരിധിവരെ പിന്നിലാണെന്നു പറയാം. എന്നാല്‍, ഇതു മറികടക്കാനുള്ള ശ്രമം ഗൂഗിള്‍ തങ്ങളുടെ ആന്‍ഡ്രോയിഡ് 12 മുതല്‍ തുടങ്ങിയിരുന്നു. ആന്‍ഡ്രോയിഡിലേക്ക് എത്തുന്ന പുത്തന്‍ ഫീച്ചറുകളിലൊന്ന് ടാബില്‍ സ്പ്ലിറ്റ് സ്‌ക്രീന്‍ കൊണ്ടുവരിക എന്നതാണ്. രണ്ടു വിന്‍ഡോകള്‍ ഒരേസമയത്തു അടുത്തടുത്തു തുറന്നു വയ്ക്കുകയും ഒന്നില്‍ നിന്ന് മറ്റൊന്നിലേക്ക് കണ്ടെന്റ് വിലിച്ചിടുകയും ചെയ്യാം. ഉദാഹരണത്തിന് ഒരു ഇമെയില്‍ തുറന്നു വച്ചിരിക്കുന്നു. അടുത്തായി ഗ്യാലറിയും. ഗ്യാലറിയില്‍ നിന്ന് ഒരു വിഡിയോയോ ഫോട്ടോയോ ഒക്കെ മെയിലിലേക്ക് എളുപ്പത്തില്‍ വലിച്ചിടാം.

അതുപോലെ തങ്ങളുടെ 20 നേറ്റീവ് ആപ്പുകളും ടാബുകളുടെ വലിയ സ്‌ക്രീനിനു യോജിച്ച രീതിയില്‍ മാറ്റം വരുത്തുമെന്നും കമ്ബനി അറിയിച്ചു. ടാബുകളുടെ അധിക സ്‌ക്രീന്‍ വലുപ്പം പ്രയോജനപ്പെടുത്താനായി മറ്റ് ആപ് ഡവലപ്പര്‍മാരായ ടിക്‌ടോക്, സൂം, ഫെയ്‌സ്ബുക് തുടങ്ങിയവരുമായി സഹകരിച്ചു പ്രവര്‍ത്തിക്കുന്നുണ്ടെന്നും കമ്ബനി വെളിപ്പെടുത്തി. ആന്‍ഡ്രോയിഡ് 13 മുതല്‍ ടാബുകള്‍ക്കായി ക്രമീകരിച്ച ആപ്പുകള്‍ പ്ലേ സ്റ്റോറില്‍ പ്രദര്‍ശിപ്പിക്കുമെന്നും ഗൂഗിള്‍ പറയുന്നു.

∙ മെറ്റീരിയല്‍ യൂ

ആന്‍ഡ്രോയിഡ് 12 ലാണ് മെറ്റീരിയല്‍ യൂ തീമിങ് സിസ്റ്റം കൊണ്ടുവന്നത് എന്നു കണ്ടല്ലോ. നിങ്ങളുടെ വാള്‍പേപ്പറിന്റെ നിറം മനസിലാക്കി മൊത്തം സിസ്റ്റത്തിനും നല്‍കുന്ന ഒന്നാണിത്. ഇതുവഴി ഫോണിന് ഒരു ഒരുമ തോന്നിപ്പിക്കും. ആന്‍ഡ്രോയിഡ് 13ല്‍ ഈ എന്‍ജിന്‍ കൂടുതല്‍ പുതുക്കിയെത്തും. വാള്‍പേപ്പറിന്റെ കളര്‍ ഫോണിന്റെ കളര്‍ ആക്കാന്‍ ഇഷ്ടമില്ലാത്തവര്‍ക്കായി കുറച്ച്‌ പ്രീസെറ്റ് ഓപ്ഷനുകള്‍ നല്‍കും. കളര്‍ തീമുകള്‍ ഗൂഗിളിന്റേതല്ലാത്ത ആപ്പുകള്‍ക്കും നല്‍കാനാകും. ഇതു കൂടാതെ, വളരെ സൂക്ഷ്മമായ പല മാറ്റങ്ങളും ഉള്‍ക്കൊള്ളിച്ചിരിക്കുന്നു.

∙ കാസ്റ്റ് ഫീച്ചര്‍

ഏതാനും ടച്ചുകള്‍ വഴി കണ്ടെന്റ് വലിയ സ്‌ക്രീനിലേക്ക് പ്രോജക്ടു ചെയ്യാന്‍ അനുവദിക്കുന്നതാണ് ഗൂഗിള്‍ ക്രോംകാസ്റ്റ് ഫീച്ചര്‍. ഇത് ദശലക്ഷക്കണക്കിന് ആളുകള്‍ ഓരോ ദിവസവും പ്രയോജനപ്പെടുത്തുന്നുണ്ടെന്നും ഗൂഗിളിന് അറിയാം. ഇനി ഇത്തരം കാസ്റ്റിങ് ക്രോം ബുക്കുകളിലേക്കോ, കാറിന്റെ സിസ്റ്റത്തിലേക്കോ കാസ്റ്റു ചെയ്യാം.

∙ ഒരു ആപ്പിനു മാത്രമായി ഭാഷ തിരഞ്ഞെടുക്കാം

നേരത്തെ പറഞ്ഞു കേട്ടതു പോലെ ആന്‍ഡ്രോയിഡ് 13ല്‍ പെര്‍-ആപ് ലാംഗ്വേജ് സെറ്റിങ് നടത്താം. മറ്റ് ആപ്പുകള്‍ വേറെ ഭാഷകളില്‍ നിലനിര്‍ത്തി ഒരു ആപ്പിനു മാത്രമായി ഒരു ഭാഷ നല്‍കാം. ഉദാഹരണത്തിന് സമൂഹ മാധ്യമ ആപ് ഒരു ഭാഷയില്‍ ഉപയോഗിക്കണമെന്നും ബാങ്കിങ് ആപ് വേറൊരു ഭാഷയിലും ഉപയോഗിക്കണമെന്ന് ആഗ്രഹിക്കുന്നവര്‍ക്ക് ആന്‍ഡ്രോയിഡ് 13ല്‍ അങ്ങനെ ചെയ്യാം.

∙ പുതിയ ബ്ലൂടൂത്ത് ലോ എനര്‍ജി ഓഡിയോ

പലരും ഇപ്പോള്‍ വയര്‍ലെസ് ഹെഡ്‌ഫോണുകള്‍ ഉപയോഗിക്കുന്നു. ഇവ ഫോണിലെ ബ്ലൂടൂത്തുമായി പെയര്‍ ചെയ്താണ് ഉപയോഗിക്കുന്നത്. ഫോണ്‍ ഇങ്ങനെ വയര്‍ലെസായി ഓഡിയോ കേള്‍പ്പിക്കുമ്ബോള്‍ ഉണ്ടാകുന്ന ബാറ്ററി ചാര്‍ജ് നഷ്ടം കുറയ്ക്കാനായി ആന്‍ഡ്രോയിഡ് 13ല്‍ ബ്ലൂടൂത്ത് ലോ എനര്‍ജി ഓഡിയോ ഫീച്ചര്‍ അവതരിപ്പിക്കുന്നു. പുതിയ ഡിഫോള്‍ട്ട് ഓഡിയോ കൊഡെക് ആയിരിക്കും ഉപയോഗിക്കുക. ലോ കോംപ്ലക്‌സിറ്റി കമ്യൂണിക്കേഷന്‍സ് കൊഡെക് എന്നാണ് ഇതിന്റെ പേര്. കൂടുതല്‍ മികവുറ്റ ഓഡിയോ വയര്‍ലെസ് ഹെഡ്‌ഫോണുകളിലേക്ക് അയയ്ക്കുമെന്നതു കൂടാതെ കുറച്ചു ബാറ്ററി ചാര്‍ജേ വേണ്ടിവരികയുമുള്ളു എന്നതാണ് ഗുണം.