കൊല്ലം: രേഷ്മയാണ് ചോരക്കുഞ്ഞിനെ ഉപേക്ഷിച്ചിരുന്നതെന്ന് അറിഞ്ഞിരുന്നില്ലെന്നും അവള് തന്നെ പൊട്ടനാക്കുകയായിരുന്നെന്നും ഭര്ത്താവ് വിഷ്ണു.
രേഷ്മ തുടര്ച്ചയായി ഫെയ്സ് ബുക്ക് ഉപയോഗിക്കുന്നതിനെ കുറിച്ച് ചോദിച്ചിരുന്നു. എന്നാല് താന് ആരുമായും ചാറ്റ് ചെയ്യുന്നില്ലെന്നായിരുന്നു മറുപടിയെന്നും
വിഷ്ണു മാധ്യമങ്ങളോട് പറഞ്ഞു.
പതിവായി ഫെയ്സ്ബുക്ക് ഉപയോഗിക്കുന്നതിനെ തുടര്ന്ന് രേഷ്മയുമായി വഴക്കിട്ടിരുന്നു. ഇതിനിടെയാണ് രേഷ്മയുടെ ഫോണ് നശിപ്പിച്ചതെന്നും വിഷ്ണു പറഞ്ഞു. കേസില് രേഷ്മ കുറ്റസമ്മതം നടത്തിയെങ്കിലും കുരുക്കുകള് അഴിക്കാന് പൊലീസിന് ഇതുവരെ കഴിഞ്ഞിട്ടില്ല.
രണ്ടു ഫെയ്സ്ബുക്ക് അക്കൗണ്ടുകളില്നിന്നാണ് കാമുകനുമായി ചാറ്റ് ചെയ്തതെന്നാണ് രേഷ്മ പൊലീസിനോട് പറഞ്ഞത്.ഈ രണ്ട് അക്കൗണ്ടുകളും പരിശോധിച്ച് ഇതിനുപിന്നിലുള്ള സത്യം പുറത്തു കൊണ്ടുവരാനുള്ള ശ്രമത്തിലാണ് പൊലീസ്.