തിരുവനന്തപുരം: എന്‍ജിനീയറിങ് പ്രവേശനത്തിനുള്ള റാങ്ക് പട്ടിക പ്രസിദ്ധീകരിച്ചു.തൃശൂര്‍ വടക്കാഞ്ചേരി സ്വദേശി ഫായിസ് ഹാഷിമിനാണ് ഒന്നാം റാങ്ക്. ഫാര്‍മസിയില്‍ തൃശൂര്‍ സ്വദേശിയായ ഫാരിസ് അബ്ദുള്‍ നാസര്‍ കല്ലായിക്കും ആര്‍ക്കിടെക്ചറില്‍ കണ്ണൂര്‍ സ്വദേശി തേജസ് ജോസഫിനുമാണ് ഒന്നാം റാങ്ക്. ഉന്നത വിദ്യാഭ്യാസമന്ത്രി ഡോ. ആര്‍. ബിന്ദുവാണ് പ്രഖ്യാപനം നടത്തിയത്.എഞ്ചിനീയറിങ്ങ് – രണ്ടാം റാങ്ക് ഹരിശങ്കര്‍ എം കോട്ടയം, മൂന്നാം റാങ്ക് നയന്‍ കിഷോര്‍ നായര്‍ -കൊല്ലം,നാലാം റാങ്ക് സഹല്‍.കെ – മലപ്പുറം, അഞ്ച്- ഗോവിന്ദ് ജി.എസ് – തിരുവനന്തപുരം, ആറ് – അംജദ് ഖാന്‍ യു.കെ – മലപ്പുറം, ഏഴ് – ആരിഷി പ്രസാദ് -തിരുവനന്തപുരം, എട്ട് – പ്രിയങ്ക പലേരി -കോഴിക്കോട്, ഒമ്ബത് – അനുരാധ അശോകന്‍ നായര്‍ – വിദേശം, പത്ത് -നൗഫ്രാന്‍ നെയസ് -എറണാകുളം എന്നിവരാണ് ആദ്യ പത്ത് റാങ്കില്‍ ഇടം പിടിച്ചവര്‍.എസ്.സി കാറ്റഗറി – ഒന്നാം റാങ്ക് അമ്മു.ബി- തൃശൂര്‍, രണ്ടാം റാങ്ക്- അക്ഷയ് നാരായണന്‍- മലപ്പുറം.എസ്.റ്റി കാറ്റഗറി- ജൊനാഥന്‍ എസ്.ഡാനിയലിനാണ് ഒന്നാം റാങ്ക് – എറണാകുളം. ശബരീനാഥ് എസിനാണ് രണ്ടാം റാങ്ക് – എറണാകുളം.ഫാര്‍മസി (ബി.ഫാം) രണ്ടാം റാങ്ക് തേജസ്വിനി വിനോദ് – കണ്ണൂര്‍, മൂന്ന് – അക്ഷര ആനന്ദ് – പത്തനം തിട്ട, നാല്- ജെറോം പോള്‍ ബേബി – എറണാകുളം.ആര്‍ക്കിടെക്ചര്‍ (ബി.ആര്‍ക്) രണ്ടാം റാങ്ക് -അംറീന്‍ – കോഴിക്കോട്,ആദിനാഥ് ചന്ദ്രക്കാണ് മൂന്നാം റാങ്ക് – തൃശൂര്‍, സനിത വില്‍സണിനാണ് നാലാം റാങ്ക് – പാലക്കാട്.73,977 പേര്‍ പരീക്ഷയെഴുതിയതില്‍ 45,629 വിദ്യാര്‍ഥികള്‍ റാങ്ക് ലിസ്റ്റില്‍ ഇടം പിടിച്ചു. 51,031 വിദ്യാര്‍ഥികള്‍ ഉന്നത പഠനത്തിന് യോഗ്യത നേടി.റാങ്ക് പട്ടികയില്‍ ഇടം പിടിച്ചവര്‍ ജില്ല തിരിച്ച്‌ തിരുവനന്തപുരം -5834, കൊല്ലം -4823, പത്തനംതിട്ട -1707, ആലപ്പുഴ -2911, കോട്ടയം -2720, ഇടുക്കി- 936, എറണാകുളം -5512, തൃശൂര്‍ -4897, പാലക്കാട് -2933, മലപ്പുറം -4604, കോഴിക്കോട് -4480, വയനാട് -714, കണ്ണൂര്‍ -3764, കാസര്‍കോട് -1225.ആദ്യ അലോട്ട്മെന്‍റ് 11 ന്. ഒമ്ബതാം തിയതി വൈകിട്ട് നാലുവരെ ഓപ്ഷന്‍ തെരഞ്ഞെടുക്കാം. റിസള്‍ട്ട് https://www.cee.kerala.gov.in/main.php എന്ന വെബ് സൈറ്റില്‍ ലഭിക്കും.
