ആലപ്പുഴയിൽ ലോറിയില്‍ നിന്ന് തടി ഇറക്കുന്നതിനിടെ അപകടം; ഇടയില്‍പ്പെട്ട് തൊഴിലാളി മരിച്ചു

ആലപ്പുഴ : കായംകുളത്ത് ലോറിയില്‍ നിന്ന് തടിയിറക്കുന്നതിനിടെ അപകടം. പുളിമുക്ക് ജംക്ഷന് സമീപത്തുള്ള തടിമില്ലിലാണ് പുലര്‍ച്ചെ നാലുമണിയോടെ അപകടമുണ്ടായത്. എരുമേലി സ്വദേശിയായ ജോസഫ് തോമസ് (56) ആണ് മരിച്ചത്. ലോറിയില്‍ നിന്നും മില്ലിലേക്ക് ഇറക്കുന്നതിനിടെ മറിഞ്ഞുവീണ തടിക്കടിയിലേക്ക് ജോസഫ് പെടുകയായിരുന്നു.

ഉടന്‍ തന്നെ അഗ്നിരക്ഷാസേന എത്തി ഹൈഡ്രോളിക് യന്ത്രം ഉപയോഗിച്ച് തടി ഉയർത്തി ആളെ പുറത്തെടുത്ത് കായംകുളം താലൂക്ക് ആശുപത്രിയിൽ എത്തിച്ചുവെങ്കിലും ജീവന്‍ രക്ഷിക്കാനായില്ല.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക