കൊല്ലത്ത് ഉപജില്ലാ കലോത്സവത്തിന് എത്തിയ വിദ്യാര്‍ഥി മുങ്ങിമരിച്ചു

കൊല്ലം: കൊല്ലം ശാസ്താംകോട്ടയില്‍ വിദ്യാര്‍ഥി മുങ്ങി മരിച്ചു. പത്തനംതിട്ട കടമ്പനാട് ബോയ്‌സ് ഹൈസ്‌കൂളിലെ ഒന്‍പതാം ക്ലാസ് വിദ്യാര്‍ഥി അഭിനന്ദ് ആണ് മരിച്ചത്. കടമ്പനാട് മാഞ്ഞാലി സ്വദേശിയാണ് അഭിനന്ദ്.

ശാസ്താംകോട്ട ഉപജില്ല കലോത്സവം കാണാന്‍ എത്തിയതായിരുന്നു അഭിനന്ദ്. കലോത്സവം നടക്കുന്ന സ്‌കൂളിനടുത്ത് കുളത്തില്‍ സുഹൃത്തുക്കള്‍ക്ക് ഒപ്പം കുളിക്കാന്‍ പോയപ്പോഴാണ് അപകടമുണ്ടായത്.