തിരുവനന്തപുരം: സംസ്ഥാനത്തെ മുഴുവന് റേഷന് കാര്ഡ് ഉടമകള്ക്കും ഓണത്തിന് സ്പെഷ്യല് കിറ്റ് നല്കാന് മന്ത്രിസഭാ യോഗത്തില് തീരുമാനം. ജുലൈ മാസത്തെയും ഓഗസ്റ്റിലെയും കിറ്റുകള് ഒരുമിച്ച് ചേര്ത്തായിരിക്കും സ്പെഷ്യല് കിറ്റ്. 84 ലക്ഷം സ്പെഷ്യല് കിറ്റാണ് വിതരണം ചെയ്യുക. റേഷന് വ്യാപാരികള്ക്ക് ഏഴരലക്ഷം രൂപയുടെ ഇന്ഷുറന്സ് പരിരക്ഷയും അനുവദിക്കും.
തിരുവനന്തപുരം മൃഗശാലയില് രാജവെമ്പാലയുടെ കടിയേറ്റ് മരിച്ച ജീവനക്കാരന് ഹര്ഷാദിന്റെ കുടുംബത്തിന് സഹായധനം അനുവദിച്ചു. 20 ലക്ഷം രൂപ ഹര്ഷാദിന്റെ കുടുംബത്തിന് അനുവദിച്ചു. ഇതില് 10 ലക്ഷം വീട് നിര്മാണം പൂര്ത്തിയാക്കാന് നല്കും.
ആശ്രിതയ്ക്ക് സര്ക്കാര് ജോലി നല്കും.18 വയസ്സുവരെ കുട്ടികളുടെ വിദ്യാഭ്യാസ ചെലവ് സര്ക്കാര് വഹിക്കും. ഈ മാസം 21 മുതല് നിയമസഭാ സമ്മേളനം വിളിച്ച് ചേര്ക്കാന് ഗവര്ണ്ണറോട് ശുപാര്ശ ചെയ്യാന് മന്ത്രിസഭാ യോഗം തീരുമാനിച്ചു.
അതേ സമയം മുഖ്യമന്ത്രിയുടെ മുന് പ്രിന്സിപ്പില് സെക്രട്ടറി എം ശിവശങ്കറിന്റെ സസ്പെന്ഷന് പിന്വലിക്കുന്നത് മന്ത്രിസഭാ യോഗം ചര്ച്ച ചെയ്തില്ല.