അയല്‍വാസികൾ തമ്മിൽ വഴിത്തര്‍ക്കം; ടൈല്‍ കഷണം കൊണ്ട് തലക്കടിയേറ്റ് ഒരാൾ കൊല്ലപ്പെട്ടു: പ്രതി ഒളിവിൽ

തിരുവമ്പാടി: വഴി തർക്കത്തെ തുടർന്ന് അയൽവാസികൾ തമ്മിലുള്ള സംഘർഷത്തിൽ ഒരാൾ കൊല്ലപ്പെട്ടു. ചാലിൽ തൊടിക മോഹൻദാസ് (58) ആണ് മരിച്ചത്. പ്രതിയെന്ന് സംശയിക്കുന്ന രജീഷ് ഒളിവിൽ പോയതായി പൊലീസ് പറഞ്ഞു. തിരുവമ്പാടി പൊലീസ് അന്വേഷണം ആരംഭിച്ചു.

വഴിത്തർക്കമാണ് സംഘർഷത്തിലേക്ക് നയിച്ചതെന്നാണ് വിവരം. വഴിത്തർക്കത്തെ തുടർന്ന് ഇരുവരും തമ്മിൽ നേരത്തേയും ഏറ്റുമുട്ടലുകൾ നടന്നിരുന്നു. തർക്കത്തിനിടെ രജീഷ് കയ്യിൽ കിട്ടിയ ടൈലിന്റെ ഭാഗം ഉപയോഗിച്ച് തലയ്ക്ക് അടിക്കുകയായിരുന്നു. ഇതാണ് മരണകാരണമായതെന്നാണ് വിവരം.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക