കോട്ടക്കല്‍: സ്റ്റേറ്റ് എക്സൈസ് എന്‍ഫോഴ്സ്മെന്‍റ് സ്ക്വാഡ് മലപ്പുറം കോട്ടക്കല്‍ പുത്തൂര്‍ ഭാഗത്ത് നടത്തിയ പരിശോധനയില്‍ അടഞ്ഞ് കിടന്ന കടമുറിക്കുള്ളില്‍ സൂക്ഷിച്ചിരുന്ന 120 കിലോയോളം കഞ്ചാവ് പിടികൂടി.
സ്റ്റേറ്റ് എക്സൈസ് എന്‍ഫോഴ്സ്മെന്‍റ് സ്ക്വാഡ് തലവന്‍ എക്സൈസ് സര്‍ക്കിള്‍ ഇന്‍സ്‌പെക്ടറര്‍ ടി അനികുമാറിന്‍റെ നേതൃത്തില്‍ സര്‍ക്കിള്‍ ഇന്‍സ്‌പെക്ടര്‍ ജി. കൃഷ്ണകുമാര്‍, എക്സൈസ് ഇന്‍സ്‌പെക്ടര്‍മാരായ ടി.ആര്‍ മുകേഷ് കുമാര്‍, എസ്. മധുസൂധനന്‍ നായര്‍, പ്രിവന്‍റ്റീവ് ഓഫീസര്‍ മുസ്തഫ ചോലയില്‍, സിവില്‍ എക്സൈസ് ഓഫീസര്‍മാരായ കെ. മുഹമ്മദ് അലി, പി.സുബിന്‍, എസ്. ഷംനാദ്, ആര്‍ രാജേഷ്, അഖില്‍, ബസന്ത് കുമാര്‍,എക്സൈസ് ഡ്രൈവറായ കെ.രാജീവ് എന്നിവരടങ്ങിയ സംഘമാണ് കഞ്ചാവ് പിടികൂടിയത്.കെട്ടിട ഉടമസ്ഥനായ റാഫി, കഞ്ചാവ് ഇടപാടില്‍ പങ്കുള്ളതായി കരുതുന്ന ബാവ എന്നിവര്‍ക്കെതിരെ അന്വേഷണം ആരംഭിച്ചതായി എക്സൈസ് അറിയിച്ചു. കണ്ടെടുത്ത കഞ്ചാവിന് അര കോടിയിലധികം രൂപ വില വരുമെന്ന് എക്സൈസ് ഉദ്യോഗസ്ഥര്‍ പറഞ്ഞു. കണ്ടെടുത്ത കഞ്ചാവ് തുടര്‍ നടപടികള്‍ ക്കായി പരപ്പനങ്ങാടി എക്സൈസ് ഇന്‍സ്‌പെക്ടര്‍ സാബു ആര്‍ ചന്ദ്രയ്ക്ക് കൈമാറി.
