ടിക്​ ടോക്​ സി.ഇ.ഒ കെവിന്‍ മേയര്‍ രാജിവെച്ചു. യു.എസ്​ പ്രസിഡന്‍റ്​ ഡോണള്‍ഡ്​ ട്രംപ് ടിക്​ ടോകുമായി അമേരിക്കന്‍ കമ്ബനികള്‍ നടത്തുന്ന ഇടപാടുകള്‍ക്ക്​ നിരോധനമേര്‍പ്പെടുത്തിയതിന്​ പിന്നാലെയാണ്​ രാജി. ദുഃഖത്തോടെ കമ്ബനി വിടുകയാണെന്ന്​ മേയര്‍ ജീവനക്കാര്‍ക്ക്​ അയച്ച കത്തില്‍ പറഞ്ഞു.

ടിക്​ ടോക്​ ജനറല്‍ മാനേജര്‍ വനേസ പാപ്പാസ്​ ആയിരിക്കും കമ്ബനിയുടെ ഇടക്കാല ചെയര്‍മാന്‍. ഡിസ്​നിയില്‍ വര്‍ഷങ്ങള്‍ സേവനമനുഷ്​ടിച്ചതിന്​ ശേഷമാണ്​ മേയര്‍ ടിക്​ ടോകിലെത്തിയത്​.ഡിസ്​നിയുടെ സ്​ട്രീമിങ്​ സേവനമായ ഡിസ്​നി പ്ലസിന്​ പിന്നില്‍ കെവിന്‍ മേയറായിരുന്നു. ടിക്​ ടോകി​ന്‍റ ഉടമസ്ഥരായ ബൈറ്റ്​ഡാന്‍സില്‍ ചീഫ്​ ഓപ്പറേറ്റിങ്​ ഓഫീസറായാണ്​ അദ്ദേഹം ചൈനീസ്​ കമ്ബനിയുമായുള്ള ബന്ധം തുടങ്ങിയത്​.

കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക : Whatsapp Group 1 - Whatsapp Group 2