ചേര്‍ത്തല: മിനി ബസും, ഡ്രൈവറും കത്തികരിഞ്ഞ നിലയില്‍ കണ്ടെത്തി. ചേര്‍ത്തല തീരദേശ റോഡില്‍ കണിച്ചുകുളങ്ങര ബീച്ച്‌ ജംഗഷനില്‍ ശനിയാഴ്ച പുലര്‍ച്ചെ 5.15നാണ് സംഭവം. ഡ്രൈവര്‍ ചന്തിരൂര്‍ സ്വദേശി രാജീവനാണ് മരിച്ചത്.
വെള്ളിയാഴ്ച രാത്രിയോടെ പാര്‍ക്ക് ചെയ്തതാണ് വാഹനം. രാജീവനെ കൂടാതെ മറ്റൊരാളും ഉണ്ടായിരുന്നതായി നാട്ടുകാര്‍ പറയുന്നു. സംഭവം നടക്കുമ്പോൾ രാജീവന്‍ വാഹനത്തിന്‍റെ ഏറ്റവും പുറകിലത്തെ സീറ്റില്‍ കിടക്കുന്ന നിലയിലായിരുന്നു.

തീ ആളി കത്തുന്നതു കണ്ട നാട്ടുകാരാണ് ചേര്‍ത്തല ഫയര്‍ ഫോഴ്സിലും അര്‍ത്തുങ്കല്‍ പൊലീസിലും വിവരമറിയിച്ചത്. ചെമ്മീന്‍ കമ്പനിയിലേക്കാണ്​ ദിവസവും തൊഴിലാളികളെ കൊണ്ടുപോകുന്ന വാഹനമാണിത്. ചന്തിരൂര്‍ സ്വദേശി അജിയുടെ ഉടമസ്ഥതയിലുള്ളതാണ് വാഹനം. സംഭവത്തെ കുറിച്ച്‌ അന്വഷണം തുടങ്ങിയതായി അര്‍ത്തുങ്കല്‍ പൊലീസ് പറഞ്ഞു.

കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക. Whatsapp Group |Telegram Group
ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക