സ്വന്തം ലേഖകൻ

തിരുവനന്തപുരം : മാണി.സി. കാപ്പന്റെ ഡി.സി.കെ പിളർന്നു. തിരുവനന്തപുരം ജില്ലാ പ്രസിഡന്റ് ഇടക്കുന്നം മുരളിയുടെ നേതൃത്വത്തിൽ നൂറോളം പേർ ഡി.സി.കെ വിട്ട് എൻ.സി.പി യിൽ ചേർന്നു.

കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക. Whatsapp Group |Telegram Group

ഡി.സി.കെ നേതാക്കളായ തമ്പാനൂർ ചന്ദ്രകുമാർ, കാരക്കാ മണ്ഡപം രവി, പനവൂർ ഹസ്സൻ , അഡ്വ. രേവതി പുരുഷോത്തമൻ, സതീശൻ , ഫിലിസ് കൂട്ടി , പാലോടു മുരളി തുടങ്ങിയവരുടെ നേതൃത്വത്തിലുള്ളവരെ എൻ.സി.പി സംസ്ഥാന പ്രസിഡന്റ് പി.സി.ചാക്കോ ഷാളണിയിച്ചു സ്വീകരിച്ചു.

കോൺഗ്രസ്സ് ഉൾപ്പെടെയുള്ള പാർട്ടികളിൽ നിന്നും ജനാധിപത്യവും മതേതരത്വവും കാത്തുസൂക്ഷിക്കുന്ന എൻ.സി.പി യിലേക്ക് ധാരാളം പ്രവർത്തകർ കടന്നുവരുന്നുണ്ടെന്ന് എൻ.സി.പി സംസ്ഥാന പ്രസിഡന്റ് പി.സി.ചാക്കോ പറഞ്ഞു.

എൻ.സി.പി സംസ്ഥാന ജനറൽ സെക്രട്ടറി കെ.ആർ. രാജൻ, ദേശീയ സമിതിയംഗം അഡ്വ. വർക്കല .ബി.രവികുമാർ , ജില്ലാ പ്രസിഡൻറ് തിരുപുറം ഗോപൻ , സുഭാഷ് ചന്ദ്രൻ ,കെ.ഷാജി തുടങ്ങിയവർ പ്രസംഗിച്ചു.