കൊച്ചി:കേരളത്തിലെ പ്രശസ്ത ഫോട്ടോഗ്രാഫര്‍ പുനലൂര്‍ രാജന്‍ (81) ‘അന്തരിച്ചു. ശനിയാഴ്ച പുലര്‍ച്ചെ 1.40ഓടെയായിരുന്നു മരണം.

ബ്ലാക്ക് ആൻഡ് വൈറ്റ് കാലത്ത് നിന്നും ഫോട്ടോ ഗ്രഫി ജീവിതം ആരംഭിച്ച പുനലൂർ രാജൻ വൈക്കം മുഹമ്മദ് ബഷീര്‍, തകഴി, ജോസഫ് മുണ്ടശ്ശേരി, എകെജി, ഇഎംഎസ്., ഇന്ദ്രജിത്ത് ഗുപ്ത, എസ്എ ഡാങ്കേ, സി അച്യുതമേനോന്‍, എംഎന്‍ ഗോവിന്ദന്‍ നായര്‍, പി കെ വാസുദേവന്‍ നായര്‍, എം ടി വാസുദേവന്‍ നായര്‍, എസ് കെ പൊറ്റെക്കാട്ട്, ഇടശ്ശേരി, അക്കിത്തം, ഉറൂബ്, പൊന്‍കുന്നം വര്‍ക്കി, എന്‍ വി കൃഷ്ണവാരിയര്‍, കേശവദേവ്, സുകുമാര്‍ അഴീക്കോട്, യേശുദാസ്, അടൂര്‍ ഗോപാലകൃഷ്ണന്‍ തുടങ്ങിയ സാഹിത്യ സാംസ്‌കാരിക രാഷ്ട്രീയ മേഖലകളിലെ പ്രതിഭകളുടെ ചിത്രങ്ങള്‍ ഒപ്പിയെടുത്ത ഫോട്ടോഗ്രാഫറായിരുന്നു പുനലൂര്‍ രാജന്‍. ഇവരുടെയെല്ലാം അപൂർവ്വ  ചിത്രങ്ങൾ ഇദ്ദേഹം പകർത്തിയതാണ്. 

കോഴിക്കോട് തിരുവണ്ണൂരിലായിരുന്നു അദ്ദേഹം താമസിച്ചിരുന്നത്. കൊല്ലത്ത് ശൂരനാട്ട് പുത്തന്‍വിളയില്‍ ശ്രീധരന്‍- പള്ളിക്കുന്നത്ത് ഈശ്വരി ദമ്പതികളുടെ മകനായി 1939 ഓഗസ്റ്റിലാണ്  ജനനം. മാവേലിക്കര രവിവര്‍മ സ്‌കൂളില്‍ നിന്ന് ഫൈന്‍ ആര്‍ട്സ് ഡിപ്ലോമ എടുത്തിട്ടുണ്ട്. 1963 ല്‍ കോഴിക്കോട് മെഡിക്കല്‍ കോളജില്‍ ആര്‍ട്ടിസ്റ്റ് ഫോട്ടോഗ്രാഫറായി ജോലിയില്‍ പ്രവേശിച്ചു. മോസ്‌കോ സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് ഫിലിമോട്ടോഗ്രഫിയില്‍ നിന്ന് സിനിമാറ്റോഗ്രഫി പഠിച്ചിട്ടുണ്ട്. ‘മഹായുദ്ധത്തിന്റെ മുറിപ്പാടുകള്‍’ എന്ന ചിത്രത്തിന് സോവിയറ്റ് ലാന്‍ഡ് നെഹ്റു അവാര്‍ഡ് ലഭിച്ചിട്ടുണ്ട്. ബഷീര്‍: ഛായയും ഓര്‍മയും’, ‘എം.ടി.യുടെ കാലം’ എന്നിവയാണ് രാജന്റെ പുസ്തകങ്ങള്‍ . മാതൃഭൂമി പത്രത്തില്‍ ‘ഇന്നലെ’, ആഴ്ചപ്പതിപ്പില്‍ ‘അനര്‍ഘനിമിഷങ്ങള്‍’ എന്നീ പംക്തികള്‍ കൈകാര്യം ചെയ്തിരുന്നു.സംസ്കാരം പിന്നിട്.

കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക : Whatsapp Group 1 - Whatsapp Group 2