ദില്ലി: രാജ്യത്ത് ഇ -റുപ്പി സേവനം ആരംഭിച്ചു. വീഡിയോ കോണ്ഫറന്സിംഗ് വഴി പ്രധാനമന്ത്രി നരേന്ദ്ര മോദിയാണ് സംവിധാനത്തിന് തുടക്കം കുറിച്ചത്. രാജ്യത്ത് ഡിജിറ്റല് പേയ്മെന്റ് സംവിധാനം ഊര്ജിതമാക്കുന്നതിന്റെ ഭാഗമായാണ് പുതിയ സേവനവുമായി കേന്ദ്ര സര്ക്കാര് എത്തുന്നത്. നാഷണല് പേയ്മെന്റ് കോര്പ്പറേഷന് ഓഫ് ഇന്ത്യയാണ് (എന്പിസിഐ) ഇ-റുപ്പി വികസിപ്പിച്ചത്.
ധനകാര്യ സേവന വകുപ്പ്, ആരോഗ്യ-കുടുംബക്ഷേമ മന്ത്രാലയം, ദേശീയ ആരോഗ്യ അതോറിറ്റി എന്നിവയുമായി സഹകരിച്ചാണ് ഇലക്ട്രോണിക് വൗച്ചര് അധിഷ്ഠിത ഡിജിറ്റല് പേയ്മെന്റ് സംവിധാനം നാഷണല് പേയ്മെന്റ് കോര്പ്പറേഷന് ഓഫ് ഇന്ത്യ (എന്പിസിഐ) യുപിഐ പ്ലാറ്റ്ഫോമില് വികസിപ്പിച്ചെടുത്തിട്ടുള്ളത്.
ഡിജിറ്റല് പേയ്മെന്റിന്റെ കറന്സി രഹിതവും സമ്ബര്ക്കരഹിതവുമായ മാര്ഗമാണ് ഇ-റുപ്പി. ഇത് ഒരു ക്യുആര് കോഡ് അല്ലെങ്കില് എസ്എംഎസ് സ്ട്രിംഗ് അധിഷ്ഠിത ഇ-വൗച്ചര് ആണ്. ഗുണഭോക്താക്കളുടെ മൊബൈലിലേക്ക് നേരിട്ടാണ് ഈ വൗച്ചര് എത്തുക.
ഇ- റുപ്പി പേയ്മെന്റ് സേവനത്തിന്റെ സഹായത്തോടെ, കാര്ഡ്, ഡിജിറ്റല് പേയ്മെന്റ് അപ്ലിക്കേഷന് അല്ലെങ്കില് ഇന്റര്നെറ്റ് ബാങ്കിംഗ് ആക്സിസ്സ് തുടങ്ങിയവയുടെ സഹായം ഇല്ലെതെ തന്നെ ഉപഭോക്താവിന് വൗച്ചര് റിഡീം ചെയ്യാന് കഴിയും.