പാർലമെന്റ് തിരഞ്ഞെടുപ്പ്: അധിക സീറ്റുകൾ ആവശ്യപ്പെടുന്നത് ഇടതുമുന്നണിയോട് അകലാൻ; കർഷക വികാരം ഉയർത്തിപ്പിടിച്ച് സഭയുടെ പിന്തുണയോടെ ലക്ഷ്യമിടുന്നത് എൻഡിഎ മുന്നണിയും കേന്ദ്രമന്ത്രി പദവിയും; ജോസ് കെ മാണിയുടെ പുതിയ നീക്കങ്ങൾ ഇങ്ങനെയൊന്നു സൂചന.

ബിജെപിയും ക്രൈസ്തവ സഭയും ജോസ് കെ മാണിയും

കേരളം ലക്ഷ്യമിട്ട് ബിജെപി വൻ നീക്കങ്ങളാണ് നടത്തുന്നത്. കത്തോലിക്കാ സഭയിലൂടെ ക്രൈസ്തവ ന്യൂനപക്ഷങ്ങൾക്കിടയിൽ സ്വാധീനമുറപ്പിക്കാൻ ആർഎസ്എസിനെ മുൻനിർത്തി ബിജെപി കേന്ദ്ര നേതൃത്വം നേരിട്ട് നീക്കങ്ങൾ നടത്തുന്നുണ്ട്. ചില അനുകൂല പ്രതികരണങ്ങൾ കത്തോലിക്കാസഭ നേതൃത്വത്തിൽ നിന്ന് ബിജെപിക്ക് ലഭിക്കുന്നുമുണ്ട്. ഈ സാഹചര്യത്തിൽ ക്രൈസ്തവ/ കർഷക അജണ്ടകളുടെ നേതൃസ്ഥാനം ഏറ്റെടുത്ത് ബിജെപി പാളയത്തിലേക്ക് എത്തിയാൽ ജോസ് കെ മാണിക്ക് കേന്ദ്രമന്ത്രിപദം ഉറപ്പാണ്. രാജ്യസഭാ ബർത്തും ഉറപ്പിക്കാം. കത്തോലിക്കാ സഭയിലെ ഒരു വിഭാഗത്തിന്റെ ശക്തമായ പിന്തുണയും ഈ നീക്കങ്ങൾക്ക് ഉണ്ട് എന്നും പറയപ്പെടുന്നു.

അനിവാര്യമായ പിളർപ്പ്: ജോസ് കെ മാണി പരാജയപ്പെട്ട് റോഷി അഗസ്റ്റിൻ മന്ത്രിയായപ്പോൾ മുതൽ തന്നെ എന്നാവും കേരള കോൺഗ്രസിൽ അടുത്ത പിളർപ്പുണ്ടാകുക എന്ന ചർച്ചകൾ സജീവമായിരുന്നു. എന്നാൽ റോഷി പാർട്ടിയിൽ പിടിമുറുക്കാനോ ചെയർമാനോട് ശീത സമരത്തിനോ തയ്യാറായില്ല. പക്ഷേ ഏതാനും മാസങ്ങളായി ജോസ് നടത്തുന്ന സർക്കാർ വിരുദ്ധ പ്രസ്താവനകളും, നിലപാടുകളും എല്ലാം റോഷിയെ ആശങ്കപ്പെടുത്തുന്നുണ്ട്. വിഴിഞ്ഞം വിഷയത്തിൽ ഉൾപ്പെടെ ഇത്തരം നിലപാടുകൾ അദ്ദേഹം സ്വീകരിച്ചത് മുതൽ പാർട്ടിയിൽ ഇരു വിഭാഗങ്ങളും തമ്മിൽ അകൽച്ചയിലാണ്. പുറമേ പൊട്ടിത്തെറിയിലേക്ക് കാര്യങ്ങൾ എത്തിയിട്ടില്ലെങ്കിലും രാഷ്ട്രീയ ലക്ഷ്യങ്ങളിലെ വൈരുദ്ധ്യങ്ങൾ കാര്യങ്ങളെ വീണ്ടും ഒരു പിളർപ്പിലേക്ക് എത്തിക്കുമെന്ന് ഏതാണ്ട് ഉറപ്പാണ്.

എംഎൽഎമാർ ആർക്കൊപ്പം? കേരള കോൺഗ്രസ് എംഎൽഎമാർ ആർക്കൊപ്പം നിലവിറപ്പിക്കും എന്നതാണ് നിർണായകം. ബിജെപി അനുകൂല നിലപാടിന് കത്തോലിക്കാസഭയുടെ പ്രത്യക്ഷ പിന്തുണ ലഭിച്ചാൽ കൂടുതൽ എംഎൽഎമാരെ തനിക്കൊപ്പം അണിനിരത്താം എന്ന് ജോസ് കെ മാണി കണക്കുകൂട്ടുന്നു. എന്നാൽ സംസ്ഥാന രാഷ്ട്രീയത്തിലെ യാഥാർത്ഥ്യങ്ങൾ മനസ്സിലാക്കാതെയുള്ള നീമാണ് ജോസിന്റെത് എന്ന പക്ഷമാണ് റോഷി അനുയായികൾക്കുള്ളത്. ജോസ് കെ മാണി ലക്ഷ്യം എന്നത് സ്വന്തം സ്ഥാന ലഭ്യ മാത്രമാണെന്നും ഇടത് വലത് മുന്നണികൾക്ക് അപ്പുറം കേരളത്തിൽ രാഷ്ട്രീയം നീ പ്രസക്തിയില്ലെന്നും ആണ് റോഷി അനുകൂലികളുടെ വാദം.