ഇടുക്കി: തൊടുപുഴയില് ബ്യൂട്ടി പാര്ലറിന്റെ മറവില് അനധികൃതമായി പ്രവര്ത്തിച്ച മസാജ് സെന്ററില് പോലീസ് റെയ്ഡ്. മസാജിനെത്തിയ മുട്ടം സ്വദേശികളായ യുവാക്കളും ജോലിക്കാരായ യുവതികളും ഉള്പ്പെടെ അഞ്ച് പേരെ പിടികൂടി. ഇവിടെ അനാശാസ്യ പ്രവര്ത്തനങ്ങള് നടന്നിരുന്നതായി പോലീസ് പറഞ്ഞു.
തൊടുപുഴ കെഎസ്ആര്ടിസി ബസ് സ്റ്റാന്ഡില് നിന്ന് കഷ്ടിച്ച് 100 മീറ്റര് മാത്രം അകലെയുള്ള ലാവ ബ്യൂട്ടി പാര്ലറിലാണ് ഇന്ന് പൊലീസ് റെയ്ഡ് നടത്തിയത്. ബ്യൂട്ടി പാര്ലറെന്ന പേരില് മസാജ് സെന്ററും അതുവഴി അനാശാസ്യ പ്രവര്ത്തനങ്ങളുമായിരുന്നു ഇവിടെ നടന്ന് വന്നിരുന്നത്. പാര്ലറിന്റെ ഉടമ ഒളിവില് പോയിരിക്കുകയാണ്. ഇവിടേക്ക് ധാരാളം ഇടപാടുകാര് സ്ഥിരമായി എത്തുന്നുവെന്ന രഹസ്യ വിവരം തൊടുപുഴ പൊലീസിന് കിട്ടിയതിന് പിന്നാലെയാണ് ഡിവൈഎസ്പി മധു ബാബുവിന്റെ നേതൃത്വത്തില് പൊലീസ് സംഘം ലാവ ബ്യൂട്ടി പാര്ലറിലെത്തിയത്.
പൊലീസ് എത്തുമ്ബോള് ഇടപാടിനെത്തിയ മുട്ടം സ്വദേശികളായ രണ്ട് യുവാക്കളും, വയനാട്, തിരുവനന്തപുരം സ്വദേശിനികളായ യുവതികളുമാണ് പാര്ലറിലുണ്ടായിരുന്നത്. ഇവര് പൊലീസിന്റെ പിടിയിലായി. സ്ഥാപനത്തിലെ മറ്റൊരു ജീവനക്കാരനെയും അറസ്റ്റ് ചെയ്തിട്ടുണ്ട്.
ബ്യൂട്ടി പാര്ലറിനുള്ള ലൈസന്സ് മാത്രമുള്ള സ്ഥാപനം മസാജിംഗ് സെന്ററായാണ് പ്രവര്ത്തിച്ചിരുന്നത്. സ്ഥാപനത്തില് ഉമടയുടെ അറിവോടെയാണ് അനാശാസ്യ പ്രവര്ത്തനങ്ങള് നടന്നിരുന്നതെന്ന് പൊലീസ് പറഞ്ഞു. കോട്ടയം കാണക്കാരി സ്വദേശി ടി കെ സന്തോഷ് ആണ് ലാവ ബ്യൂട്ടി പാര്ലറിന്റെ ഉടമ. റെയ്ഡിന് പിന്നാലെ സന്തോഷ് കുമാര് ഒളിവില് പോയിരിക്കുകയാണ്.