സാമ്ബത്തിക വര്ഷത്തിന്റെ അവസാന മാസത്തിലാണ് നമ്മള്. 2023 മാര്ച്ച് പല കാരണങ്ങളാല് പ്രധാനമാണ്. ഓട്ടോമൊബൈല് കമ്ബനികള് സാമ്ബത്തിക വര്ഷത്തിന്റെ അവസാന മാസത്തില് സ്റ്റോക്ക് ക്ലിയറന്സ് ആരംഭിച്ചിട്ടുണ്ട്. ഇത് മാത്രമല്ല, നടപ്പ് സാമ്ബത്തിക വര്ഷത്തിലെ വില്പ്പന റെക്കോര്ഡ് മെച്ചപ്പെടുത്തുന്നതിനുള്ള ഓഫര് ഇപ്പോള് പ്രഖ്യാപിച്ചിട്ടുണ്ട്. തിരഞ്ഞെടുത്ത കാറുകള്ക്ക് വന് വിലക്കിഴിവ് പ്രഖ്യാപിച്ചിരിക്കുകയാണ് മാരുതി സുസുക്കി. പരമാവധി 64,000 രൂപ വരെ കമ്ബനി ഓഫര് ചെയ്യുന്നാതയാണ് റിപ്പോര്ട്ടുകള്.
രാജ്യത്തുടനീളം മാരുതി സുസുക്കി ഈ ഓഫര് നല്കിയിട്ടുണ്ട്. ക്യാഷ് ഡിസ്കൗണ്ട്, എക്സ്ചേഞ്ച് ഓഫര്, കോര്പ്പറേറ്റ് ഡിസ്കൗണ്ട്, ഉപഭോക്താക്കള്ക്കുള്ള മറ്റ് ചില ഓഫറുകള്. ഏറ്റവും കൂടുതല് വില്പ്പന റെക്കോര്ഡുള്ള മാരുതി സുസുക്കി വാഗണ്ആറിന് പരമാവധി കിഴിവ് നല്കുന്നു. ആകെ 64,000 രൂപയാണ് കമ്ബനി വാഗ്ദാനം ചെയ്തിരിക്കുന്നത്. 40,000 രൂപ ക്യാഷ് ഡിസ്കൗണ്ടും 20,000 രൂപ എക്സ്ചേഞ്ച് ബോണസും 4,000 രൂപ കോര്പ്പറേറ്റ് ഡിസ്കൗണ്ടും ഇതില് ഉള്പ്പെടുന്നു.
മാരുതി സുസുക്കി സ്വിഫ്റ്റ് കാറിന് മൊത്തം 54,000 രൂപയുടെ ഓഫറാണ് പ്രഖ്യാപിച്ചിരിക്കുന്നത്. 30,000 രൂപയുടെ ക്യാഷ് ഡിസ്കൗണ്ടും 20,000 രൂപയുടെ എക്സ്ചേഞ്ച് ബോണസും 4,000 രൂപയുടെ കോര്പ്പറേറ്റ് ഡിസ്കൗണ്ടും ഇതില് ഉള്പ്പെടുന്നു. മാരുതി സുസുക്കി എസ് പ്രസോ, ആള്ട്ടോ കാറുകള്ക്ക് മൊത്തം 49,000 രൂപ കിഴിവ് നല്കിയിട്ടുണ്ട്. 30,000 രൂപയുടെ ക്യാഷ് ഡിസ്കൗണ്ടും 15,000 രൂപയുടെ എക്സ്ചേഞ്ച് ഓഫറും 4,000 രൂപയുടെ കോര്പ്പറേറ്റ് ഓഫറും ഇതില് ഉള്പ്പെടുന്നു.
മാരുതി സുസുക്കി സെലേറിയോ കാറിന് മൊത്തം 44,000 രൂപയുടെ കിഴിവ് പ്രഖ്യാപിച്ചിട്ടുണ്ട്. സെലേറിയോ കാറിന് 15,000 രൂപ ക്യാഷ് ഡിസ്കൗണ്ടും 15,000 രൂപ എക്സ്ചേഞ്ച് ബോണസും 4,000 രൂപയുടെ കോര്പ്പറേറ്റ് ഓഫറും നല്കിയിട്ടുണ്ട്. മാരുതി സുസുക്കി ആള്ട്ടോ 800 ന് 38,000 രൂപയുടെ കിഴിവാണ് നല്കുന്നത്. 20,000 രൂപയുടെ ക്യാഷ് ഡിസ്കൗണ്ടും 15,000 രൂപയുടെ എക്സ്ചേഞ്ച് ഓഫറും 4,000 രൂപയുടെ കോര്പ്പറേറ്റ് ഓഫറും ഇതില് ഉള്പ്പെടുന്നു.മാരുതി ഡിസയര് കാറിന് 10,000 രൂപയുടെ കിഴിവ് പ്രഖ്യാപിച്ചു. ഡിസയര് കാറിന് ക്യാഷ് ഡിസ്കൗണ്ടോ കോര്പ്പറേറ്റ് ഓഫറോ ഇല്ല. എക്സ്ചേഞ്ച് ഓഫര് മാത്രം. മാരുതി സുസുക്കി പ്രഖ്യാപിച്ച ഓഫര് മാര്ച്ച് 31ന് അവസാനിക്കും.
ശ്രദ്ധിക്കുക: മാരുതി സുസുക്കി ഓഫറുകള് രാജ്യത്തെ ഓരോ നഗരത്തിനും സംസ്ഥാനത്തിനും വ്യത്യസ്തമായിരിക്കും. ഇത് മാത്രമല്ല, നെക്സ, അരീന ഡീലര്മാരുടെ ഓഫറും മാറും. അതിനാല് ഓഫറിനെക്കുറിച്ച് കൂടുതല് അറിയാന് അടുത്തുള്ള ഡീലറെ ബന്ധപ്പെടുക