വായ്പ പുതുക്കാൻ സഹായമായി നൽകിയ പണവും സ്വർണവും തിരികെ നൽകുന്നില്ല; കടം കൊടുത്തത് തിരികെ ചോദിച്ചപ്പോൾ വനിതാ ഗുണ്ടയായി ചിത്രീകരിക്കുന്നു; പരാതി കൊടുക്കാൻ ചെന്നപ്പോൾ പോലീസ് ഇൻസ്പെക്ടർ അവഹേളിച്ചു: ഗുരുതര ആരോപണങ്ങളുമായി കണ്ണൂരിലെ വീട്ടമ്മയുടെ പത്രസമ്മേളനം.

നേരത്തെ തോട്ടട അമ്മുപറമ്ബില്‍ താമസിക്കുന്ന കണ്ണൂര്‍ നീര്‍ച്ചാല്‍ സ്വദേശിനിയായ സീനത്തിനാണ് നാലുലക്ഷം രൂപയും അഞ്ചുപവനും വായ്പയായി കൊടുത്തത്. ഇവര്‍ക്ക് സഹകരണബാങ്കിലുണ്ടായ വായ്പ പുതുക്കാനാണ് അടുത്ത പരിചയമുള്ളതു കൊണ്ടു പണം കൊടുത്തു സഹായിച്ചത്. വായപ പുതുക്കിപത്തുലക്ഷം രൂപ വീണ്ടുമെടുത്താല്‍ തന്റെ ബാധ്യത തീര്‍ക്കുമെന്നു പറഞ്ഞിരുന്നു. തന്റെ ഫ്ളാറ്റില്‍ വന്നാണ് സ്വര്‍ണം വാങ്ങിയത്. പണം വായ്പയായി നല്‍കിയത് ബാങ്ക് അക്കൗണ്ടുവഴിയാണ്. ഇതിനൊക്കെ കൃത്യമായ തെളിവുകളുണ്ട്.

എന്നാല്‍ തനിക്കു സാമ്ബത്തിക ബുദ്ധിമുട്ടുണ്ടായപ്പോള്‍ ഇവര്‍ കൊടുത്ത പണവും തിരിച്ചു നല്‍കിയില്ലെന്നും ഇതു ചോദിക്കാന്‍ ചെന്ന തന്നെ പള്ളിക്കുന്നിലെ അഭിഭാഷകനായ അജിത്തുമായി ചേര്‍ന്നു വീടാക്രമിച്ചുവെന്നു പറഞ്ഞു കള്ളക്കേസില്‍ കുടുക്കുകയാണ് ചെയ്തത്. ഈ കേസില്‍ താന്‍ ഹൈക്കോടതിയില്‍ മുന്‍കൂര്‍ ഭജാമ്യം നേടിയിട്ടുണ്ട്. ഇതിനു ശേഷം സീനത്തിനു വേണ്ടി അഡ്വ. അജിത്ത് തന്നെ നിരന്തരം വ്യക്തിപരമായി ഉപദ്രവിച്ചു കൊണ്ടിരിക്കുകയാണെന്നും മാനഹാനി വരുത്തുന്ന വിധത്തില്‍ കുപ്രചരണം നടത്തുകയാണെന്നും റസിയ ആരോപിച്ചു.

ഹൈക്കോടതിയില്‍ അഭിഭാഷനാണെന്നു പറഞ്ഞു ആളുകളെ വഞ്ചിക്കുകയാണ് പള്ളിക്കുന്ന് സ്വദേശിയായ അജിത്ത് കുമാര്‍. ഇയാള്‍ വ്യാജവക്കീലാണെന്ന പരാതിയെ തുടര്‍ന്ന് വക്കീല്‍ ഓഫീസ് ഒരിക്കല്‍ പൊലിസ് പൂട്ടിച്ചതാണ്. നിരവധിതട്ടിപ്പുകളാണ് ഇയാള്‍ നടത്തുന്നത്. ഒരു രാഷ്ട്രീയ പാര്‍ട്ടി രൂപീകരിച്ചു ആളുകളില്‍ നിന്നും പണപിരിവ് നടത്തുന്നുണ്ട്. തന്റെ ഫ്ളാറ്റില്‍ കയറിവന്നു ഇയാള്‍ ഉപദ്രവിക്കാന്‍ ശ്രമിക്കാറുണ്ടെന്നും റസിയ ആരോപിച്ചു. താന്‍ തനിച്ചാണ് ഫ്ളാറ്റില്‍ താമസിക്കുന്നത്. ഭര്‍ത്താവ് സൗദി അറേബ്യയിലും മകന്‍ വിദേശത്തും ജോലി ചെയ്യുകയാണ്.

മകള്‍ ഉപരിപഠനത്തിനായി വിദേശത്താണുള്ളത്. മക്കളുടെ വിദ്യാഭ്യാസ ചെലവുമായി ബന്ധപ്പെട്ടു തനിക്ക് സാമ്ബത്തിക ബാധ്യതകളുണ്ട്. വാങ്ങിയ പണം തിരിച്ചു നല്‍കാതെ സീനത്ത് അജിത്ത് കുമാറിന്റെ ഒത്താശയോടെ താന്‍ അവരുടെ വീട്ടില്‍ പോയി ഗുണ്ടായിസം കാണിച്ചുവെന്നും കണ്ണൂര്‍ നഗരത്തിലെ ക്വട്ടേഷന്‍ സംഘങ്ങളെ ഇതിനായി ഉപയോഗിച്ചുവെന്നും വ്യാജപ്രചരണം അഴിച്ചുവിടുകയാണ്. സ്വന്തം കാറില്‍ ഗുണ്ടകളെ കൂട്ടിക്കൊണ്ടു പോയി ഇവര്‍ താമസിക്കുന്ന തോട്ടട അമ്മുപറമ്ബിലെ വീട്ടില്‍ രാത്രിയില്‍ പോയി ഗുണ്ടായിസം കാണിച്ചുവെന്നാണ് സീനത്ത് പരാതി നല്‍കിയിരിക്കുന്നത്.

നേരത്തെ തന്റെ കൂടെയാത്ര ചെയ്യുകയും താനുമായി നല്ല അടുപ്പമുള്ളതു കൊണ്ടുമാത്രമാണ് സീനത്തിന് പണം വായ്പയായി നല്‍കിയത്. എന്നാല്‍ തനിക്കൊരു ബുദ്ധിമുട്ടുവന്നപ്പോള്‍ കൊടുത്ത പണം തിരിച്ചു നല്‍കാതെ തന്നെ വ്യാജപ്രചരണങ്ങളും കള്ളക്കേസുകളുമായി വേട്ടയാടുകയാണെന്ന് റസിയ ആരോപിച്ചു.വാര്‍ത്താസമ്മേളനത്തില്‍ സതീഷ്‌കുമാര്‍ പാമ്ബന്‍,സൗമി മട്ടന്നൂര്‍ എന്നിവരും പങ്കെടുത്തു.