പറഞ്ഞ തുകയടച്ചിട്ടും പണയം വെച്ച സ്വർണ്ണം തിരികെ നൽകുന്നില്ല; പിഞ്ചുകുഞ്ഞുമായി എറണാകുളം ഈസാഫ് ബാങ്കിനു മുമ്പിൽ പ്രതിഷേധിച്ച് യുവതി: വിശദാംശങ്ങൾ വായിക്കാം.

വായ്പാ കുടിശിക തീര്‍ക്കുന്നതിന്റെ പേരില്‍ ബാങ്കുകാര്‍ കബളിപ്പിച്ചെന്നാരോപിച്ച്‌ പ്രതിഷേധവുമായി വീട്ടമ്മ. എറണാകുളം ആലുവയിലെ ഇസാഫ് ബാങ്കിന് മുന്നിലാണ് സമരം തുടരുന്നത്. എളമക്കര സ്വദേശിനി നിഷയും നാല് വയസുള്ള കുഞ്ഞുമാണ് രാത്രിയിലും ബാങ്കിനു മുന്നില്‍ ഉപരോധിക്കുന്നത്.

നേരത്തെ നിഷ 16 പവന്‍ സ്വര്‍ണം ബാങ്കില്‍ പണയം വച്ചിരുന്നു. ഇത് തിരിച്ചെടുക്കാന്‍ ചെന്നപ്പോള്‍ 5.45 ലക്ഷത്തിലധികം രൂപ തിരിച്ചടയ്ക്കാന്‍ ബാങ്ക് ആവശ്യപ്പെട്ടു. ഇതനുസരിച്ച്‌ പെെസ അടച്ചെങ്കിലും മുന്‍പ് നിഷയെടുത്ത വായ്പയുടെ കുടിശികയായ 50,000 രൂപ കൂടി അടയ്ക്കാതെ സ്വര്‍ണം തരില്ലെന്ന് ബാങ്ക് അറിയിക്കുകയായിരുന്നു.