മിസ് യൂണിവേഴ്സ് മത്സരത്തില്‍ ഇന്ത്യയെ പ്രതിനിധീകരിക്കുന്ന ദിവിത റായിയുടെ സ്വര്‍ണ പക്ഷി വസ്ത്രം വൈറലായി. തന്റെ വേഷവിധാനം അവതരിപ്പിക്കാന്‍ രംഗത്തിറങ്ങിയ ദിവിത റായി വസ്ത്രം കൊണ്ട് എല്ലാവരേയും വിസ്മയിപ്പിച്ചു കൊണ്ടാണ് മികച്ച തുടക്കമിട്ടത്. ഇന്ത്യയുടെ സുവര്‍ണ പൈതൃകം, സമ്ബദ്വ്യവസ്ഥ, വൈവിധ്യം, സംസ്‌കാരം എന്നിവയെ പ്രതിനിധീകരിക്കുന്ന വസ്ത്രവുമായി വേദിയിലെത്തിയ ദിവിത റായി വളരെ സുന്ദരിയായി കാണപ്പെട്ടു.
അമേരിക്കയിലെ ലൂസിയാനയിലെ ന്യൂ ഓര്‍ലിയാന്‍സിലെ ഏണസ്റ്റ് എന്‍ മോറിയല്‍ കണ്‍വെന്‍ഷന്‍ സെന്ററില്‍ നടക്കുന്ന പരിപാടിക്ക് ആതിഥേയത്വം വഹിച്ചത് മിസ് യൂണിവേഴ്സ് 2021 ല്‍ കിരീടം നേടിയ ഹര്‍നാസ് കൗറും മിസ് യൂണിവേഴ്സ് ഓര്‍ഗനൈസേഷന്റെ എക്സിക്യൂട്ടീവ് പ്രൊഡ്യൂസര്‍ നിക്ക് ടെപ്ലിറ്റ്സും ചേര്‍ന്നാണ്. കോഹിനൂര്‍ മുതല്‍ കാര്‍ഷിക ഭൂമി തൊട്ട് പര്‍വതങ്ങള്‍ വരെ എല്ലാം ഒരുകാലത്തു ഇന്ത്യയിലുണ്ടായിരുന്നു. പണം മുതല്‍ സ്വര്‍ണം, മൃഗങ്ങള്‍, സൗന്ദര്യം വരെ എല്ലാമുള്ള രാജ്യമായിരുന്നു അന്ന് ഇന്ത്യ. പുരാതന കാലത്ത് ഇന്ത്യ ഏറ്റവും സമ്ബന്നമായ നാടായിരുന്നു. അതിനാല്‍ ഇന്ത്യ ‘സോനേ കി ചിദിയ’ (സ്വര്‍ണ പക്ഷി) എന്നാണ് അറിയപ്പെട്ടിരുന്നത്. അതിന്റെ പ്രതീകമാണ് ദിവിത റായ് അവതരിപ്പിച്ചത്.
മധ്യപ്രദേശിലെ ചന്ദേരി ജില്ലയില്‍ നിന്നുള്ള കൈകൊണ്ട് നെയ്ത കസവ് തുണികള്‍ നൂറ്റാണ്ടുകള്‍ പഴക്കമുള്ള പാരമ്ബര്യത്തിന്റെ നേര്‍ ചിത്രമാണ്. ആധുനിക ഇന്ത്യയുടെ പുരോഗമന സമീപനത്തെയും എല്ലാവരുടെയും വളര്‍ച്ചയെ മുന്നോട്ട് കൊണ്ടുപോയി ലക്ഷ്യം കൈവരിക്കാനുള്ള കാഴ്ചപ്പാടിനെയും വസ്ത്രം പ്രതിനിധീകരിക്കുന്നുണ്ട്. അതിലുപരിയായി, ചിറകുകള്‍ ലോക പൗരന്മാരോട് പ്രയാസകരമായ സമയങ്ങളില്‍ ഇന്ത്യ കാണിച്ച പരിപോഷണത്തിന്റെയും പരിചരണത്തിന്റെയും ശക്തി കാണിക്കുകയും ‘ഒരു ലോകം, ഒരു കുടുംബം’ എന്ന സങ്കല്‍പ്പത്തിന് പിന്തുണ നല്‍കുകയും ചെയ്തു.
ഫാഷന്‍ ഡിസൈനറായ അഭിഷേക് ശര്‍മ്മയാണ് വസ്ത്രം ഡിസൈന്‍ ചെയ്തിരിക്കുന്നത്. ‘ദേശീയ വസ്ത്രങ്ങള്‍ രൂപകല്‍പ്പന ചെയ്യുമ്ബോള്‍, നമ്മുടെ രാജ്യത്തിന്റെ മുഴുവന്‍ സമ്ബന്നമായ സാംസ്കാരിക പൈതൃകവും കാണിക്കാന്‍ ഞാന്‍ ആഗ്രഹിച്ചു, കൂടാതെ ഇന്ത്യയിലെ എല്ലാ പ്രധാന നഗരങ്ങളുടെയും പട്ടണങ്ങളുടെയും വ്യത്യസ്ത ഘടകങ്ങള്‍ കൊണ്ടുവരാന്‍ ഞാന്‍ ആഗ്രഹിച്ചു. അതുകൊണ്ടാണ് അനുയോജ്യമായതും യഥാര്‍ത്ഥ സത്തയിലുള്ളതും നമ്മുടെ രാജ്യത്തെ പ്രതിനിധീകരിക്കുന്നതുമായ ഒരു ആശയം കൊണ്ടുവന്നത്’, അതിശയകരമായ സൃഷ്ടിയുടെ പിന്നിലെ പ്രചോദനത്തെക്കുറിച്ച്‌ അദ്ദേഹം പറഞ്ഞു.
