മെസ്സിയുടെ സൗഹൃദ വലയത്തില്‍ ഇടം നേടി മലയാളിയായ ബിസിനസുകാരന്‍. ദുബായിയില്‍ ബിസിനസുകാരനായ നീലേശ്വരം സ്വദേശി രാജേഷ് ഫിലിപ്പ് ആണ് മെസ്സിയുടെ സുഹൃത്തായ ആ ഏക മലയാളി. കടുത്ത ഫുട്‌ബോള്‍ ആരാധകനും മെസി ആരാധകനുമാണ് രാജേഷ്.
മെസിക്കൊപ്പമുള്ള മലയാളികളുടെ സെല്‍ഫികള്‍ പോലും സമൂഹ മാധ്യമങ്ങളില്‍ വൈറലാകുമ്ബോഴാണ് കൂളായി മെസ്സിക്കൊപ്പമുളള ചിത്രങ്ങള്‍ രാജേഷ് പങ്കുവെക്കുന്നത്. പതിവായി സ്‌പെയിനിലെ ഓഫീസിലും പാരിസിലെ വീട്ടിലുമൊക്കെ മെസ്സിക്കൊപ്പം രാജേഷ് കൂടാറുണ്ടായിരുന്നു.
2019ല്‍ ആദ്യമായാണ് മെസിയെ രാജേഷ് കാണുന്നത്. പിന്നീട് മെസിയുമായും കുടുംബവുമായും അടുത്ത ബന്ധം പുലര്‍ത്തിപോരുകയായിരുന്നു. ഖത്തര്‍ ലോകകപ്പ് തുടങ്ങിയതോടെ ഒരു മാസമായി മെസിയുടെ കുടുംബത്തിനൊപ്പം ഖത്തറില്‍ കഴിയുകയാണ് ഇപ്പോള്‍ രാജേഷ്. തന്റെ ഇഷ്ടതാരം കപ്പ് അടിക്കുന്നത് കാണാന്‍ രാജേഷ് ഫിലിപ്പും ലുസൈല്‍ സ്‌റ്റേഡിയത്തിലെത്തിയിട്ടുണ്ട്.
