തൃശ്ശൂരിൽ യുവാവ് ആത്മഹത്യ ചെയ്യാൻ പിഞ്ചുകുഞ്ഞുങ്ങളുമായി കിണറ്റിൽ ചാടി: നാട്ടുകാരുടെ സമയോചിതമായ ഇടപെടൽ കുഞ്ഞുങ്ങളുടെ ജീവൻ രക്ഷപ്പെടുത്തി; പിതാവിനു ദാരുണാന്ദ്യം.

പിഞ്ചു കുഞ്ഞുങ്ങളുമായി കിണറ്റില്‍ ചാടിയ യുവാവ് മരിച്ചു. തൃശൂര്‍ മൂന്ന്പീടിക ബീച്ച്‌ കോപ്പറേറ്റീവ് റോഡ് പരിസരത്ത് ഇല്ലത്ത്പറമ്ബില്‍ ഷിഹാബ് (35) ആണ് മരിച്ചത്. കുട്ടികളെ നാട്ടുകാരും ബന്ധുക്കളും ചേര്‍ന്ന് രക്ഷപ്പെടുത്തി. രാവിലെ അഞ്ചരയോടെയാണ് സംഭവം. രണ്ടര വയസ്സും നാലര വയസ്സും പ്രായമുള്ള കുട്ടികളെയെടുത്താണ് യുവാവ് കിണറ്റില്‍ ചാടിയത്.

ശബ്ദം കേട്ടെത്തിയ ബന്ധുക്കളും നാട്ടുകാരും ചേര്‍ന്ന് കുട്ടികളെ രക്ഷപ്പെടുത്തി. പോലീസും ഫയര്‍ ഫോഴ്‌സുമെത്തി ഷിഹാബിനെ കിണറ്റില്‍ നിന്ന് പുറത്തെടുത്ത് ആശുപത്രിയില്‍ എത്തിച്ചെങ്കിലും മരിച്ചു. ആത്മഹത്യ ചെയ്യാനുള്ള കാരണം വ്യക്തമായിട്ടില്ല.ചെന്ത്രാപ്പിന്നി പതിനേഴാം കല്ലില്‍ ടൈല്‍സ് കട നടത്തുന്നയാളാണ് ഷിഹാബ്.